کہانی پانچ سال پہلے شروع ہوئی، جب پولیس نے شراب سمگلنگ کے الزام میں ایک امریکی اور یونانی شہری سمیت سعودی شہری کو حراست میں لیا۔ ان پر الزام تھا کہ انہوں نے بحری راستے سے ایک کنٹینر کے ذریعے 3350 شراب کی بوتلیں سعودی عرب سمگل کرنے کی کوشش کی۔ محکمہ پولیس نے کیس عدالت میں دائر کیا اور یوں عدالت نے تینوں مجرموں کو جیل بھیج دیا۔ سعودی اخبار ”عکاظ“ کے مطابق سعودی شہری نے ہمت نہیں ہاری۔ چنانچہ اس نے پولیس کے خلاف سٹینڈ لیا اور عدالت میں اپنی بریت کے لیے کیس دائر کردیا۔ عدالت نے کیس کی از سر نو تفتیش کا حکم دیا۔ کیس کی جانچ پڑتال کرنے والی عدالتی کمیٹی نے پولیس کی طرف سے بیان کیے گئے شواہد کو غلط اور جھوٹا قرار دے دیا، یوں لگ بھگ ایک سال بعد سعودی شہری ناحق جیل میں قید رہنے کے بعد رہا ہوگیا۔ سعودی شہری نے ناحق سزا دیے جانے پر پولیس کے خلاف دوبارہ کیس دائر کیا، جس میں مطالبہ کیا کہ چوں کہ پولیس کے الزام کی وجہ سے اس کی شہرت داغدار ہوئی، اس کا کاروباری نقصان ہوا، خاندان کی بدنامی ہوئی، لہذا پولیس اس کا معاوضہ ادا کرے۔عدالت نے سعودی شہری کے اس مطالبے پر ماہرین کی ایک کمیٹی بنادی کہ وہ ناحق سزا کے عوض سعودی شہری کے ہونے والے نقصانات کا تخمینہ لگائے۔ چنانچہ کمیٹی نے ایک سال جیل میں رہنے کے عوض یومیہ 1500 ریال خسارے کا تخمینہ لگایا، جو تقریبا 547500 سعودی ریال بنا۔ سعودی شہری کے مطابق جیل سے رہا ہونے کے بعد شہرت داغدار ہونے کے باعث تین سال تک وہ بےروزگار رہا، چنانچہ کمیٹی نے بیروزگار رہنے کی وجہ سے یومیہ 400 ریال خسارے کا تخمینہ لگایا جو تقریبا 438000 سعودی ریال بنا۔ یوں کل ملا کر 985500 سعودی ریال معاوضہ بنا۔ عدالت نے محکمہ پولیس کو یہ رقم سعودی شہری کو ادا کرنے کا حکم دیتے ہوئے کہا کہ وہ آئندہ ناحق مجرموں کے بارے احتیاط کرے۔
یہ ایک سچی کہانی ہے جس میں سعودی عدالت نے حال ہی میں پولیس کی کوتاہی کی وجہ سے ناحق ملزم کو قید کرنے کی وجہ سے محکمہ پولیس کو 9 لاکھ پچاسی ہزار پانچ سو سعودی ریال، یعنی دو کروڑ 69 لاکھ چار ہزا ر ایک سو بیالیس روپے پاکستانی ادا کرنے کا حکم دیا گیا۔
اسے سے ملتی جلتی ایک کہانی امریکی شہری روڈیل سینڈرز کی ہے، جسے قتل کے جرم میں 20 سال قید رکھا گیا، بعدازاں 22 جولائی 2014ء کو عدالت نے روڈیل کیس کا جائزہ لے کر گواہوں کی جھوٹی گواہی کا اعتراف کیا اور روڈیل کو بری کردیا۔ 28 ستمبر 2016ء کو اسی عدالت نے جھوٹےگواہوں کے تعاون سے ملزم روڈیل کو بیس سال ناحق قید رکھنے کے جرم میں پولیس کے خلاف ایک تاریخی فیصلہ سنایا، جس میں محکمہ پولیس کو روڈیل سینڈرز کو 20 سال ناحق قید رکھنے کے عوض 15 ملین ڈالر یعنی ڈیڑھ ارب پاکستانی روپوں کا جرمانہ کیا۔
انصاف کی ان دوکہانیوں کے بعد ہمارے عدالتی اور پولیس سسٹم پر نظر دوڑائیے، جہاں مظہر حسین ایسے ملزم کو ناحق 17سال جیل میں قید رکھاجاتاہے اور اس کے مرنے کے دو سال بعد اس کی برات کا فیصلہ سنایاجاتاہے۔ یہ ہمارا محکمہ پولیس ہی ہے جو لوگوں کو جھوٹے کیسوں میں جیل بھیج دیتا ہے، جو کسی بھی شریف آدمی کوسزا دلوانے اور مجرم کو بچانے کے لیے جھوٹی ایف آئی آر اور جھوٹے گواہ تک تیار کروا لیتا ہے۔ ماورائے عدالت قتل اور جعلی پولیس مقابلوں میں لوگوں کو مارنا بھی محکمہ پولیس کے بائیں ہاتھ کا کھیل ہے، اس کا اظہار پولیس کے افسروں نے گارڈین اخبار کی رپورٹ میں بھی کیا۔ لیکن افسوس قانون نافذ کرنے والے اداروں کی لاقانونیت پر کوئی قانون حرکت میں آتا ہے، نہ کوئی عدالت سوموٹو ایکشن لیتی ہے۔ حالیہ چند دنوں میں کراچی میں کئی لوگوں کو جعلی پولیس مقابلوں میں مار دیا گیا، جن میں ایک عالم دین مولانا یوسف قدوسی بھی ہیں جن کو 8 اپریل 2016 کو اغوا کیا گیا، بعد ازاں جعلی پولیس مقابلے میں شہیدکردیا گیا۔ کراچی کی مذہبی اور دیگر سیاسی جماعتوں کے ساتھ ہیومن رائٹس کمیشن کے ادارے بھی پاکستان میں اس طرح کے ماروائے عدالت قتل اور جعلی پولیس مقابلوں پر احتجاج کرتی رہی ہیں۔ چنانچہ بین الاقومی خبررسال ادارے روئٹرزکی 2015ء کی رپورٹ اور ہیومن رائٹس کمیشن آف پاکستان کے مطابق صرف کراچی میں ایک پولیس افسر راؤ انور نے 60 کے قریب لوگوں کو ماورائے عدالت قتل کیا۔ چنانچہ ہیومن رائٹس کمیشن آف پاکستان نے راؤ انور کے خلاف عدالت میں پیٹشن بھی دائر کی۔ 26 ستمبر 2016 کےگارڈین اخبار کی رپورٹ کے مطابق 2015ء میں پاکستان میں 2108 افراد کو ماورائے عدالت قتل کیا گیا۔اسی طرح ایشین ہیومن رائٹس کمیشن کی رپورٹ کے مطابق 2015 میں صوبہ سندھ اور بلوچستان میں 143 لوگوں کو ماورائے عدالت قتل کیا گیا۔حیرت اس بات پر ہے کہ ان پولیس مقابلوں میں کوئی پولیس اہلکار زخمی ہوتا ہے ،نہ ہلاک ہوتاہے۔ ہمارے عدالتی سسٹم کی بےحسی اور کمزوری دیکھیے کہ یہ 2001ء سے لاپتہ افراد کو اب تک بازیاب نہیں کرواسکا،جن میں سے کچھ کو امریکہ کے حوالے کیا گیا اور کچھ کو خفیہ ایجنسیوں کی تحویل میں دے دیا گیا تھا۔ عدالتی سسٹم کی کمزوری کی اس سے بڑی اور کیا دلیل ہوگی کہ 2013ء میں فوج اورخفیہ ایجنسیوں کی طرف سے 35 لاپتہ کیے جانے والے افراد کے خلاف بھرپور عدالتی مہم جوئی کے باوجود ہمارا عدالتی سسٹم ان کو رہا نہ کروا سکا۔
ہمارے نظام انصاف اور قانون نافذ کرنے والے اداروں کی بے حسی اورناانصافی کی یہ چند ایک مثالیں ہیں۔ورنہ اگر مجموعی طورپر پاکستانی معاشرے سے نظامِ انصاف اور محکمہ پولیس اور دیگر قانون نافذ کرنے والےاداروں کے بارے رائے لی جائے تو شاید ہی کوئی شخص ان کی حمایت پر تیار ہو۔یہی وجہ ہے ہمارے ہاں محکمہ پولیس کوعام طور پر تضحیک کا نشانہ بنایاجاتاہے، عدالتوں اور وکلاء سےاعتماد کا رشتہ ٹوٹتاجارہا ہے۔جھوٹے گواہوں کی بہتات، محکمہ پولیس اور وکلاء کی رشوت اور خیانت کے ڈر سے مظلوم لوگ ظلم کے خلاف عدالت جانے سے ڈرنے لگے ہیں۔جھوٹے گواہ اس قدر عام ہوگئے ہیں کہ سپریم کورٹ کے جج صاحبان بھی یہ کہنے پر مجبور ہوگئے ہیں کہ جھوٹے گواہوں کو خدا کے عذاب سے ڈرناچاہیے،جھوٹی گواہی گناہ کبیرہ ہے۔ بھلااس طرح کی وعظ و نصیحت سے جھوٹے گواہ باز آسکتے ہیں؟ حیرت اس بات پر ہے کہ تعزیرات پاکستان کی دفعہ 193 کے مطابق جھوٹی گواہی دینے والے کو سات سال قیدسے لے کر عمر قید تک کی سزادی جاسکتی ہے۔ لیکن 40 سال سے وکالت کے شعبے سے وابستہ ایک وکیل کا کہنا تھا کہ میں نے 40 سال سے کبھی کسی جھوٹے گواہ کو سزا ہوتی نہیں دیکھی۔ جب انصاف کا یہ حال ہوگا تو ملک میں بدامنی، کرپشن، لوٹ مار ایسے مسائل حل ہوں گے، نہ دہشت گردی، ٹارگٹ کلنگ ایسے واقعات رکیں گے۔ اگر ہم ملک کو واقعی پرامن ملک بنانا چاہتے ہیں تو ہمیں سعودی اور امریکی عدالتوں کی طرح اپنی عدالتوں کا آزاد اور مضبوط کرنا ہوگا، جو نہ صرف بغیر کسی دباؤ کے آزاد تحقیقات کرسکیں، بلکہ پولیس، فوج، وزیراعظم اور صدر سمیت کسی بھی شخص کو باآسانی عدالت طلب کرکے ان کے خلاف کیس سن سکیں۔ اس کے ساتھ ہمیں جھوٹے گواہوں کی لعنت سے چھٹکارا پانے کے لیے عمر قید سزا کو عملی طور پر جاری کرنے کے ساتھ کم ازکم دو دو کروڑ تک مالی سزا بھی دینی ہوگی تب جاکر ہمارا نظام ِانصاف آزاد اور مضبوط ہوگا اور مظلوموں کو انصاف ملنے لگےگا۔
علامہ اقبال اوپن یونیورسٹی کے ایک پرچے میں پوچھےگئے بےہودہ سوال کی طرف دوستوں نے توجہ دلائی تو میں نے اسے بےبنیاد پروپیگنڈہ سمجھ کر نظر انداز کر دیا. میں سوچ بھی نہیں سکتا تھا کہ ایک تعلیمی ادارے میں اس قدر بےہودگی اور اخلاق باختگی کا مظاہرہ کیا جا سکتا ہے. ابھی میری رسول بخش بہرام صاحب سے بات ہوئی جو اوپن یونیورسٹی کے ریجنل ڈائریکٹر ہیں. میں نے ان سے اس پرچے کی بابت سوال کیا اور انہوں نے جو جواب دیا اس نے میرے چودہ طبق روشن کر دیے.
سوال نمبر 5.
اگرچہ اٹلی میں رہتے ہوئے تقریبا دس سال سے زائد کا عرصہ گزر چکا ہے اور دو مرتبہ روم جانے کا اتفاق بھی ہوا لیکن ابھی تک اٹلی کی مشہور اور واحد تعمیر شدہ مسجد دیکھنے کی خواہش پوری نہیں ہو سکی تھی۔ بالآخر 27 ستمبر 2016 کو یہ خواہش بھی پوری ہو ہی گئی۔ ستمبر کے آخر میں اٹلی کا موسم نہایت خوشگوار ہوتا ہے۔ سو اب کے دورہ روم میں یہ طے پایا کہ روم مسجد کی سیر ضرور کر کے آئیں گے۔ روم کا تاریخی شہر ہمارے شہر بریشیا سے تقریباً 600 کلو میٹر کے فاصلے پر واقع ہے، گاڑی پر 6 سے 7 گھنٹے کا طویل اور تھکا دینےوالا سفر ہے، چنانچہ طے یہ پایا کہ کیوں نہ اس مرتبہ یہ سفر ٹرین پر کیا جائے۔ اٹلی میں ٹرین کاسفر انتہائی پرسکون اور آرام دہ ہوتا ہے، اور ان دنوں ویسے بھی ایک نئی ٹرین سروس ITALO TRAIN کا بڑا چرچا سن رکھا تھا، سو اسی ٹرین کی آن لائن بکنگ کروائی گئی۔ مقررہ تاریخ کو اپنے مجازی خدا کے ہمراہ اللہ کا نام لے کر سفر کا آغاز کیا۔ گاڑی بریشیا ریلوے سٹیشن پر پارک کی اور سٹیشن پہنچ کر اپنی مخصوص ٹرین کا نمبر تلاش کیا۔ ٹرین اپنے مقررہ وقت سے چند منٹ پہلے سٹیشن پر پہنچی۔ ٹرین میں بیٹھتے ہی ایک خوشگوار حیرت ہوئی کہ ٹرین کی سیٹس بالکل ہوائی جہاز کی طرز پر نہایت کھلی اور آرام دہ تھیں۔ ٹرین نے پورے وقت پر سفر کا باقاعدہ آغاز کیا۔ تقریباً 25 منٹ کے بعد جب ٹرین اپنے پہلے سٹیشن VERONA شہر جا کر رکی تو حیرت کا ایک اور جھٹکا لگا کہ دوسری ٹرینیں تو پورے ایک گھنٹے بعد اس سٹیشن پر آ کر رکتی تھیں۔اس کے بعد ٹرین صرف دو سٹیشنوں بلونیا اور فلورینس پر کچھ دیر رکی اور پھر اپنی منزل یعنی روم تیرمینی سٹیشن کی طرف رواں دواں ہو گئی۔ 
تیرمینی سٹیشن سے روم مسجد کا فاصلہ تقریباً ایک گھنٹے کا ہے۔ وہاں سے میٹرو پر مسجد کے قریب ترین سٹیشن پر اترے۔ میٹرو سٹیشن پر ایک اوور برج پار کرتے ہی دور سے مسجد کا پرشکوہ، بلند اور خوبصورت گنبد اور مینار نمایاں نظر آرہا تھا۔ گنبد کا قطر 20میٹر ہے۔ مینار پر نظر پڑتے ہی سر بےاختیار فخر سے بلند ہوگیا کہ عیسائی دنیا کے اس مرکز، جو پوری دنیا میں عیسائیت کا قبلہ ہے، یہ مسجد پوری شان و شوکت، آن بان اور رعب و دبدبہ سے کھڑی تھی، یوں محسوس ہوا جیسے ہم آٹھ سو سال پہلے یورپ میں مسلمانوں کے سنہرے دور اور عظمتِ رفتہ میں آگئے ہیں۔
اپنے خیالات کی رو میں بہتے بہتے مسجد کے مرکزی گیٹ سے ٖاندر داخل ہوئے تو مسجد کی خوبصورتی اور سحر میں کھو سے گئے۔ یہ مسجد اطالوی فنِ تعمیر کا ایک بہترین نمونہ ہے۔ مسجدکے مرکزی دروازے سے اندر داخل ہوتے ہی خوبصورت اور انتہائی نفاست سے تراشےلمبے لمبےسرو کے پودے اور بیرونی دیواروں کے ساتھ ساتھ دور تک صاف ستھرا باغ نما لان دیکھ کر بہت خوشگوار حیرت ہوئی۔ یوں گمان ہو رہا تھا جیسے ہم مغلیہ دور کے کسی پائیں باغ میں آنکلے ہوں۔
روم کی جامع مسجد کو انگلش میں Great Mosque Rome یا Islamic Cultural Centre Rome اور اٹالین زبان میں Grande Moschea Roma کہتے ہیں۔ غیر اسلامی ممالک میں یہ بھارت اور روس کو چھوڑ کر اٹلی اور یورپ کی سب سے بڑی مسجد ہے، جو کہ 30,000 مربع میٹر (320000 مربع فٹ) کے رقبے پر محیط ہے اور 12000 لوگ بیک وقت اس میں نماز ادا کر سکتے ہیں۔ مسجد روم کے علاقے Monti Parioli کے دامن میں شہر سے شمال کی طرف Acqua Acetosa کے علاقے میں واقع ہے۔ شہر کی واحد مسجد ہونے کے ساتھ ساتھ یہ اسلامک کلچرل سنٹر بھی ہے۔ مذہبی سرگرمیوں کے لیے ایک مرکز ہونے کے علاوہ یہ دنیا کے مختلف ممالک کے دین کی وجہ سے منسلک مسلمانوں کو ثقافتی اور سماجی خدمات فراہم کرتی ہے۔ یہاں پر شادی کی تقریبات بھی منعقد ہوتی ہیں۔ تعلیم وتربیت کا بھی ایک شعبہ ہے، جس میں ایک کتاب خانہ، بچوں کی تعلیم و تربیت کے لیے تدریس کا ہال، کانفرنس ہال، نمائش گاہ کی جگہ اور امام مسجد اور مہمانوں کے لیے رہائشی فلیٹ بھی ہیں۔ مسجد کے چاروں طرف سرسبز علاقہ ہے۔ مسجد کی تعمیر میں جدید طرزِ تعمیر سے کام لیا گیا ہے۔ اس کا بیرونی حصہ بھی نہایت خوبصورت اور دلکش ہے۔
مسجد کا مینار اس کے جنوب مغربی حصہ پر واقع ہے۔ مسجد کی تعمیر سعودی عرب کے شاہی خاندان کے سربراہ شاہ فیصل کی مرہونِ منت ہے جنہوں نے اس کارِ خیر کو سر انجام دینے کا بیڑا اٹھایا اور تمام اخراجات برداشت کیے۔ مسجد کا ڈیزائن اور ہدایات اطالوی ماہرتعمیرات Paolo Portoghesi Vittorio Gigliotti اور Sami موساوی نے دیں۔ مسجدکی منصوبہ بندی پر تقریبا دس سال لگے۔ روم سٹی کونسل نے 1974ء میں زمین کا عطیہ دیا لیکن سنگِ بنیاد دس سال بعد اطالوی جمہوریہ کے اس وقت کے صدر SANDRO Pertini کی موجودگی میں 1984ء میں رکھا گیا، اور 21 جون 1995ء کو مسجد کا با قاعدہ افتتاح افغانستان کے جلاوطن شہزادے محمد حسن اور ان کی بیوی شہزادی رضیہ بیگم اور اس وقت کے اطالوی صدر نے کیا۔ مسجد کے اندرونی ہال اور راہداریوں میں بنے بےشمار ہتھیلی نما ستون اللہ اور اس کے اطاعت گذار بندے کے درمیان مضبوط تعلق کی نمائندگی کرتے ہیں۔
چلیے اب مسجد کی سیر کی طرف دوبارہ آتے ہیں۔ اسی دوران نمازِ عصر کا وقت شروع ہو چکا تھا۔ وضو خانہ کی طرف ایک صاحب نے رہنمائی کی۔ بعد میں پتہ چلا کہ وہ مسجد کے موذّن ہیں۔ وضو خانہ بیرونی گیٹ کی داہنی طرف سیڑھیاں چڑھ کر تقریبا بیس فٹ کی بلندی پر اور مسجد کے مرکزی گنبد والے ہال کے نیچے تھا اور کافی کشادہ تھا۔ وضو کر کے واپس نیچے اترے اور بائیں طرف نماز والے کمرے کی طرف جا ہی رہے تھے کہ زن سے ایک گاڑی ہمارے پاس آ کر پارک ہوئی اور اس میں سے مخصوص عربی لباس میں ایک صاحب نکلے اور بآوازِ بلند مسکراتے ہوئے السلام علیکم و رحمتہ اللہ و برکاتہ کہا۔ ہمارے شوہرِنامدار نے بھی انھی کے انداز میں سلام کا جواب دیا۔ ماشاءاللہ وہ مسجد کے امام صاحب محمد حسن عبدالغفار تھے جن کا تعلق مصر سے ہے۔ مسجد کے انچارج عبداللہ رضوان ہیں۔ امام صاحب کی معیت میں اندر داخل ہی ہوئے تھے کہ مذکورہ بالا مؤذن صاحب سپیکر پر اذان دینے کی تیاری میں تھے اور پھر انتہائی خوبصورت انداز میں اذان کی آواز مسجد کے چاروں اطراف گونجنے لگی۔ سبحان اللہ! دل سکون اور خوشی سے باغ باغ ہو گیا کہ آج پورے دس سال بعد اٹلی کی سرزمین پر یوں اذان کی آواز سپیکر پر سنائی دے رہی تھی۔ شاعرِمشرق علامہ اقبال کا شعر یاد آگیا
مسجد کا مرکزی ہال چونکہ صرف نمازِجمعہ، عیدین اور خاص تقریبات کے لیے ہی کھولا جاتا ہے۔ اس لیے پنج وقتہ نمازوں کے لیے ایک اورچھوٹا ہال اور ساتھ ملحقہ کمرے مخصوص کیے گئے ہیں۔ مسجد کی اندرونی دیواریں نیلے اور سفید سنگِ مرمر کی انتہائی خوبصورت ٹائلز اور فرش نہایت دبیز ایرانی قالینوں سے سجا ہوا ہے۔ مسجد کی اندرونی سجاوٹ، برقی قمقموں اور فانوسوں کا مرکزی خیال قرآن کریم کی آیت (اللہ نُورالسمواتِ و الارض ) God is lightسے لیا گیا ہے۔ نماز کے لیے اندرونی چھوٹے ہال میں داخل ہوئے تو دل بہت دکھی ہوا کہ اتنی بڑی مسجد میں امام صاحب اور مؤذن صاحب کے علاوہ صرف چار اور نمازی تھے۔ ہم نے خواتین کی نماز کے متعلق دریافت فرمایا تو امام صاحب نے کہا کہ یہاں عام نمازوں میں خواتین کم ہی آتی ہیں اور اگر ہوں تو وہ بھی اسی ہال میں ہی نماز ادا کرتی ہیں۔ خیر تھوڑی جھجک کے ساتھ اندرر داخل ہوئے تو شکر ادا کیا کہ دائیں طرف ہال کے ایک کونے میں سر سے لے کر پاؤں تک سفید گاؤن میں ملبوس تین اور خواتین بھی بیٹھی نظر آئیں۔ ابھی جماعت میں تھوڑا وقت تھا۔ خوشی سے آگے بڑھے، سلام کے تبادلے کے بعد جھٹ سے اٹالین زبان کا رعب جھاڑنا شروع کیا. یہ سوچ کر کہ مقامی عرب کمیونٹی سے تعلق رکھتی ہوں گی، لیکن یہ کیا؟ انھوں نے اشارے سے بتایا کہ ان کے پلّے کچھ نہیں پڑا۔ انگلش میں بات شروع کی تو وہ بھی خوشی سے کھل پڑیں کہ اس انجانے دیس میں کوئی تو بات کرنے والا ملا۔ اب پتہ چلا کہ وہ ٹورسٹ تھیں اور جکارتہ انڈونیشیا سے تین دن کے سیاحتی دورے پر اٹلی دیکھنے آئی ہوئی تھیں۔ تینوں ماں بیٹیاں تھیں، بیٹیوں کے نام زینب اور ریما جبکہ والدہ کا نام مریم تھا۔ بڑی بہن ریما جس کی عمر 22 سال تھی، جکارتہ یونیورسٹی سے ماس کمیونیکیشن میں ماسٹرز کر رہی تھی اور انگلش کی سمجھ بوجھ رکھتی تھی جبکہ چھوٹی 17 سال کی تھی اور کالج میں پڑھ رہی تھی۔ والدہ صرف اشاروں کی زبان سمجھ رہی تھیں اور سر ہلا ہلا کر ایسے خوش ہو رہی تھیں جیسے سب کچھ سمجھ میں آرہا ہو۔
خیر ماؤں سے بات کرنے کے لیے کسی خاص زبان کی ضرورت نہیں ہوتی۔ وہ اٹلی میں صرف تاریخی شہر روم اور یہاں کی واحد جامع مسجد اور دنیا بھر میں مشہور پانی پر تعمیر شدہ رومانوی شہر وینس دیکھنے کے لیے آئی تھیں. جب انھیں بتایا کہ ہم پاکستان سے تعلق رکھتے ہیں تو ریما بہت خوش ہوئی اور کہنے لگی کہ وہاں جکارتہ یونیورسٹی میں میرے ساتھ ایک پاکستانی لڑکی بھی پڑھ رہی ہے۔ اسی اثنا میں اقامت شروع ہوگئی اور ہم سب بھی نماز کے لیے اٹھ کھڑی ہوئیں۔ نماز کے بعد امام صاحب نے ان سیاح خواتین کی سہولت کے لیے انگریزی زبان میں مختصر درس دیا۔ امام صاحب کا تعلق مصر سے ہے اور انگلش اور عربی زبانوں پر بھی عبور رکھتے ہیں. امام صاحب نے اللہ کی نعمتوں اور رحمتوں کا تذکرہ کرتے ہوئے کہا کہ صرف دنیاوی مال و متاع ، عہدے یا شہرت کی فراوانی نعمت نہیں بلکہ حقیقی نعمت دین اسلام اور ہدایت کے رستے پر چلنا ہے اور آپ لوگوں پر اللہ کی خاص رحمت ہے کہ اس نے اربوں لوگوں میں سے آپ کو اپنے پسندیدہ دین کے لیے منتخب کیا اور آپ کو حجاب اور پردے کی توفیق دی۔ ابھی درس جاری تھا کہ گھڑی پر نظر پڑی اور بادل نخواستہ ہمیں امام صاحب سے اجازت لینی پڑی۔
1. ٹوئن ٹاور 9/11 سے تین سال پہلے1997 میں سمپسن کی ایک قسط Homer against NewYork city ستبمر کے مہینہ میں آن ائیر کی گئی، اس میں ایک کتاب پہ 9$ اور پیچھے ٹوئن ٹاور 11 کی طرح کھڑے دکھائے گئے.
2. ایبولا وائرس دنیا میں 2014ء میں خوف کی علامت بنا جبکہ سمپسن کارٹون میں 1997ء کی ایک قسط میں ایک بچہ ایبولا وائرس کا شکار دکھایا گیا اور ایک کتاب کا ٹائٹل Curious George and Ebola virus دکھایا گیا.
3. انتہائی حیرت انگیز طور پر 2000ء میں ڈونلڈ ٹرمپ کو امریکہ کا صدر دکھایا گیا اور جو سین کارٹون میں دکھایا گیا، 2016ء میں وہی سین اسی طرح اصل ٹرمپ کی الیکشن کمپین میں ہوا.
5. کچھ اسکینڈلز دکھائے گئے جو وقوع پزیر ہوئے، جیسے 1997ء میں دکھایا گیا کہ فوڈ اسٹورز میں گھوڑے کا گوشت استعمال کیا جا رہا ہے. 2013ء میں بڑی بڑی فوڈ چینز کے نام سامنے آئے جو گھوڑے کا گوشت استعمال کر رہی تھیں، برگر کنگ، برڈز آئی، ٹیکو بیل وغیرہ
گریس چوری کی کہانی 1998ء میں دکھائی جو اسی طرح کی گئی.
ڈونلڈ ٹرمپ نے معذوروں کی نقل اُتاری، خواتین کی بےحُرمتی کی، کالوں کا تمسخر بنایا، ہسپانیوں اور میکسیکن کو ”ریپسٹ“ اور چور کہا اور ان کے لیے دیوار بنانے کا اعادہ کیا، مسلمانوں کو دہشت گرد اور فساد کی جڑ قرار دیا، لیکن گوروں کی تعریف کی اور انھیں سُہانے خواب دکھائے، جس کے باعث گوروں نے اُسے صدر چُن لیا۔ اس صورتحال میں دیکھا جائے تو گورے، انتہائی خود غرض، مطلب پرست، جاہل اور عورت کی حُکمرانی کو حقیر ماننے والے لوگ ہیں۔