کائنات کے ابتدائی سائنٹفک ماڈل قدیم یونانی اور ہندوستانی فلسفیوں نے بنائے، جن کے مطابق زمین کو کائنات کے مرکز میں رکھا گیا۔ صدیوں فلکیات کے مشاہدے نے ماہرین فلکیات کو heliocentric model ماڈل بنانے میں مدد کی جس کے مطابق سورج اس سولر سسٹم کا مرکز ٹہرا یہ دریافت بھی ہوئی کہ ہمارا کرہ ارض اور کئی اور سیارے اس سورج کے گرد گھوم رہے ہیں۔ اپنے سامنے چائے کی پرسکون پیالی رکھے شاید ہمیں یہ احساس ہی نہیں کہ ہمارا کرہ ارض سورج کے گرد 107,000Km/hr یعنی ایک لاکھ سات ہزار کلومیٹر فی گھنٹہ کی رفتار سے گھوم رہا ہے۔ مزید مشاہدات نے ماہرین فلکیات کو یہ احساس دلایا کہ ہمارا یہ پورا نظام شمسی ایک کہشاں میں واقع ہے اور نہ صرف اس جیسے کئی نظام شمسی اس کہکشاں میں موجود ہیں بلکہ اس جیسی ان گنت کہکشائیں اس کائینات میں واقع ہیں۔ اس دریافت نے ماہرین کو یہ فرض کرنے پر مجبور کر دیا کہ اس طرح کی لاتعداد کہکشائیں کسی ایک یونیفارمڈ طریقے سے پھیلی ہوئی ہیں جن کا نا کوئی کنارہ ہے اور نا کوئی مرکز و محور۔ بیسویں صدی کے اوائل میں سائینسدان اتنا دریافت کر پائے کہ بہرحال یہ کائنات اک ابتدا رکھتی تھی، اور ابتدا کیا تھی ۔۔۔ بگ بینگ ۔
کائنات ؟؟؟ ۔ ۔ ۔ ۔ ۔ جہاں شماریات کے دفتر ختم ہو جائیں اتنے سیارے، جہاں پر گنتی ختم ہو جائے اتنے ستارے، جہاں ہندسے چلا اٹھیں اتنی کہکشائیں، جہاں اعداد کی سانسیں ٹوٹ جائیں اتنے چھوٹے سیارے، ہزاروں لاکھوں چاند، خلا اور خلا کے مندرجات، اور مادے اور توانائی کے نا ماپے جا سکنے والے ذخائر اس کائنات میں شامل ہیں. کائنات کا سائز تو نامعلوم ہی ہے لیکن اشرف المخلوقات نے اپنی بساعت کے مطابق جتنی کائنات کو مشاہدہ کرنے کا دعوی کیا ہے اس قابل مشاہدہ کائنات کا قطر تقریبا 91 ارب نوری سال ہے، ان اکانوے ارب نوری سالوں کو بہت آسانی سے ناپا جا سکتا ہے۔ ایک نوری سال چھ ملین کلومیٹر یعنی ساٹھ لاکھ کلومیٹر کے برابر ہے۔ ہم اسی لامحدود کائنات میں موجود ارب ہا ارب کہکشاوں میں سے ایک کہکشاں کے ایک سولر سسٹم کے ایک سیارے پر رہتے ہیں جسے “زمین” کہتے ہیں۔ زمین کا قطر 40008 یعنی چالیس ہزار آٹھ کلومیٹر، زمین کے سورج کے گرد مدار کا کل سائز 149,598,262 km یعنی چودہ کروڑ پچانوے لاکھ اٹھانوے ہزار دو سو باسٹھ کلومیٹر ہے جس کے طے کرنے کا کل وقت 365 دن کا ہے۔
اس دُنیا میں پائے جانے والے جانداروں کی اقسام تین کروڑ سے بھی ذائد ہیں۔ 2016 میں دنیا میں انسانوں کی کُل آبادی کا تخمینہ سات ارب چار کروڑ سے ذائد اور پاکستان کی کل آبادی کا تخمینہ بیس کروڑ کے لگ بھگ لگایا گیا ہے۔ پاکستان کا کُل رقبہ 796095sq/km یعنی تقریبا سات لاکھ چھیانوے ہزار اسکوائر کلومیٹر ہے۔ پاکستان کے شہر ملتان کا کُل رقبہ 3721sq/km یعنی تین ہزار سات سو اکیس اسکوائر کلومیٹر اور اس شہر کی آبادی تخمینتہ پچپن لاکھ کے لگ بھگ ہے۔ اس تین ہزار سات سو اکیس اسکوائر کلومیٹر اور پچپن لاکھ کی آبادی والے اس شہر کے ایک چھوٹے سے گھر میں شاید کہ کوئی ایسا شخص رہتا ہو جو اپنے آپ کو طاقت میں یکتا، یوسف ثانی اور فلسفے میں سقراط کا جانشین سمجھتا ہو۔ شاید کہ اس کا خیال ہو کہ اسی نے وقت کی طنابیں سنبھال رکھی ہیں۔
کھول آنکھ ۔۔!
کائنات کے اس نظام میں تیری حیثیت ہوا کے بے قابو بگولے میں اڑتے ایک زرے کے جتنی بھی نہیں۔ بے شک انسان نے اللہ کی قدر کو نہ پہچانا جس طرح اس کی قدر کو پہچاننے کا حق تھا۔
فلک سے روح دھرتی پر گرائی جانے والی ہے
کسی بھی معاشرے میں یہ ممکن نہیں کہ تمام انسان ایک ہی سوچ، فکر، مذہب، عقیدے اور مسلک کے حامل ہوں، کیونکہ انسانی معاشرہ اس گل دستے کی مانندہے، جس کی سجاوٹ و خوبصورتی کے لیے مختلف رنگ و اقسام کے پھولوں کا ہونا ضروری ہے۔ معاشرے میں انسانی مزاج اور سوچ کا یہ تنوع فطری اور طبعی ہے، جو معاشرے کی خوبصورتی میں اضافے کا سبب بنتا ہے۔ شاید اسی لیے یہ اختلاف اور تنوع اسلامی روایت کا شروع سے ہی حصہ رہا۔ میثاق مدینہ کے مشمولات سے معلوم ہوتا ہے کہ مسلمانوں کے علاوہ کئی مختلف قبائل کے اس میثاق میں شامل ہونے کا مقصد مختلف نظریات اور کلچر رکھنے والے طبقات پر مشتمل ایک متنوع معاشرہ تشکیل دینا تھا۔ یہ آفاقی حقیقت ہے کہ ہر دور اور ہر خطے میں مختلف نظریات اور مذاہب کے افراد کا مل جل کر رہنا معاشرے کی تکمیل کا حصہ ہے، لیکن اس کے ساتھ یہ بات بھی روز روشن کی طرح عیاں ہے کہ انسان ہمیشہ سے اپنے مذہبی نظریات کے متعلق انتہائی حساس واقع ہوا ہے۔ اب ایک طرف باہم مل جل کر رہنا فطری و طبعی امر ٹھہرا، جبکہ دوسری جانب انسان کا اپنے مذہبی نظریات پر کمپرومائز کرنا بھی ناممکن ہے۔ ایسے میں انسان کے سامنے دو راستے ہیں: ایک راستہ ہے تصادم اور ٹکراو¿ کا، یعنی ہر شخص اپنی مذہبی سوچ کو غالب کرنے کے لیے تصادم اور تشدد کی راہ کا چناﺅ کرے، لیکن اس صورت کو اختیار کرنے سے ایک تو زور زبردستی کسی پر اپنی مذہبی سوچ کو مسلط کر دینا ناممکن ہے، جبکہ اس صورت میں امن اور انسانیت جس طرح تباہ ہوگی، وہ بھی سب پر ظاہر ہے، لہٰذا اس کی اجازت کسی بھی مذہب سے نہیں مل سکتی، جبکہ دوسرا راستہ ہے مفاہمت، ڈائیلاگ اور مکالمے کا۔ مکالمے و ڈائیلاگ کا مطلب ہے کہ مختلف خیالات و نظریات کے لوگ پر امن بقائے باہم ”جیو اور جینے دو“ کے فارمولے پر آپس میں معاملات طے کرتے ہوئے اپنے مذہبی معاملات کو سلجھائیں، اپنے نظریات کو تھامے رکھیں، جبکہ دوسروں کے نظریات کو طعن و تشنیع کا نشانہ بنا کر تصادم کی صورت پیدا نہ کریں۔ یقینا ہرذی شعور انسان تصادم اور ٹکراو ¿ کی بجائے مکالمے اور ڈائیلاگ کو ترجیح دے گا۔
امریکامیں صدارتی انتخابات کامرحلہ مکمل ہوچکاہے اور ”خلاف توقع“ ایک سینئرسیاست دان کو ہرا کر ایک سرمایہ کار برسر اقتدار آ چکا ہے۔ امریکی الیکشن میں دل چسپی لینے والے اہل وطن کی اکثریت ٹرمپ کی جیت کوملکی سلامتی کے لیے نیک شگون قرارنہیں دیتی، ان کاخیال ہے کہ اگر ہیلری کلنٹن کامیاب ہوجاتیں تو پاکستان کے حق میں بہتر ہوتا۔ ان کا تاثر یہ ہے کہ برا ہوا جو ٹرمپ کامیاب ہوگیا۔ حالانکہ زمینی حقائق یہ ہیں کہ امریکا جس ٹریک پر چل چکا ہے، اب وہاں کوئی بھی حکمران آئے، وہ اس سے نہیں ہٹ سکتا، امریکا کے پالیسی ساز کئی کئی برسوں کی منصوبہ بندی کر چکے ہیں۔ یہ بھی ایک ناقابل تردید حقیقت ہے کہ ان پالیسی سازوں کے رگ و ریشے میں پاکستان اور اسلام دشمنی کوٹ کوٹ کر بھری ہوئی ہے، جس کے مطابق وہ پالیسی ترتیب دیتے ہیں۔ نائن الیون کے بعد بش، کلنٹن، اوباما، تمام صدور اسی پالیسی کے مطابق زمین ہموار کرنے کے لیے برسراقتدار لائے گئے اور ڈونلڈ ٹرمپ کواقتدار تفویض کیا جانا بھی اسی منصوبہ بندی کی ایک کڑی ہے۔ اگر وہ یہ کہتا ہے کہ وہ مسلمانوں کو امریکا میں داخل نہیں ہونے دے گا، پاکستان کے نیوکلیئر پروگرام پر سخت نظر رکھے گا، بھارت سے دوستی کا ہاتھ بڑھائے گا، تو اوبامانے کیا یہ سب کچھ نہیں کیا تھا؟ کیا ان سب اقدامات میں ہیلری اس کے ساتھ برابر کی شریک نہیں تھی؟ اب ان لوگوں کی خوش فہمی بھی دور ہوجانی چاہیے جو امریکی عوام کو کلین چٹ دیا کرتے تھے کہ امریکی عوام کھلے دل والے لوگ ہیں۔ ٹرمپ کے انتخاب سے اندازہ ہوگیا کہ وہ مسلمانوں کے لیے کیا عزائم رکھتے ہیں، ان کی جیت نے امریکی ووٹرز کے اندر کے بغض خصوصاً مسلمانوں اور اسلام کے خلاف نفرت کو سب پر عیاں کر دیاہے۔
علامہ اقبال اوپن یونیورسٹی کے تحت منعقدہ امتحان میں میٹرک کے طلبہ سے بڑی بہن پہ مضمون لکھنے کے سوال نے ملک بھر میں حیرانگی، پریشانی اور شرمندگی کی لہر دوڑادی ہے، ہر زبان پر یہی سوال ہے کہ اِس سوال کا تعلیم سے کیا تعلق ہے؟ ایک محترم رشتہ کی اِس طرح سے تشریح طلب کرنا آخِر کس ضرورت یا مجبوری کے تحت ہے؟ فزیک ٹیسٹ لینے کے لیے مرد رشتے کافی نہیں؟ بہن کے بجائے والد، دادا، نانا سے متعلق بھی تو پوچھا جاسکتا ہے، بہن کے متعلق پیپر میں سوال کرنا اقدار اور اخلاقیات پہ حملہ کے سوا کچھ بھی نہیں. اندر کی کہانی یہ ہے کہ بیرونی قرضوں پہ چلنے والا نظامِ تعلیم ایسے سوال کرنے کا، مخلوط کلاسز منعقد کرنے اور آزاد خیال نصاب نافذ کرنے کا پابند ہے. صرف محکمہ تعلیم نہیں تقریبا ہر ادارہ پورا ملک ہی گروی رکھا جا چکا ہے اور قرضہ دینے والوں کی مسلط کردہ شرائط بنا سوچے سمجھے قبول اور پوری کی جارہی ہیں، چنانچہ ترجیحی طور پہ وطنِ عزیز پاکستان جیسی نظریاتی اسلامی ریاست میں تنقیصِ دین، تردیدِ دین اور آزادخیالی کی تبلیغ زور و شور سے جاری ہے، اور قانون اِس پر کوئی گرفت نہیں کرتا، نظریہ پاکستان اور دین سےمحبت کرنے والے بےبسی کے عالم میں حقوق طلبی کے لیے ریاست (حکومت) کی طرف دیکھتے ہیں کہ ایک رِٹ پٹیشن بےدینی کی اِس وبا پہ دائر کر دیں. روشن خیالی کے نام پہ پھیلائی جانے والی آزادخیالی اور لبرزم کو قانون کی دائرے میں لائیے، تنقیصِ اسلام پہ کوئی قدغن لگائیے، معاشرت اور رشتوں کے تقدس کے خلاف حرکت پر کوئی ضابطہ اخلاق ہی مقرر کردیجیے کہ دین بیزار حلقے اکثریتی آبادی مسلمانوں کی دل آزاری نہ کرسکیں. مگر افسوس کہ حکمران اپنی اِس ذمہ داری سے قطعی لاتعلق ہوچکے ہیں، اقتدار کی ہوس اور بیرونی آقاؤں کی خوشنودی کی خاطر ایک مسلم ریاست کے حکمران ریاست کے بنیادی نظریہ اور جمہور کے حقوق کا تحفظ کرنے کے بجائے غیرملکی ایجنڈا پورا کرنے میں لگے ہیں. مان لیا کہ اقلیتوں کا تحفظ لازمی ہے، امرِ شرعی ہے، مگر اِس کے ساتھ اکثریت کا بھی تو احترام کیا جانا چاہیے، اکثریت کا یہ مطالبہ عین فطری اور مطابق قوانین جمہوریت ہے کہ ریاست اپنے مذہب کی حفاظت کا خود بندوبست کرے، چنانچہ چاہیے تو یہ تھا کہ اسلامی ریاست اپنی رعایا کے جمہور طبقے کی اِس اپیل پہ عمل کرتی لیکن حقیقت حال اِس کے برعکس ہے، اکثریت پابندیوں کی زد میں ہے بلکہ دوقدم آگے نوبت یہاں تک پہنچ گئی ہے کہ مذہب اور نظریہ کی بات کرنے پر قسم ہا قسم کے طعنے سننے کو ملتے ہیں اور اِس کو جرم سمجھا جاتا ہے یعنی کہ