کراچی میں آوارہ کتوں کو تلف کرنے کی مہم شروع ہوئی تو چند حساس لوگوں نے سندھ ہائیکورٹ کا دروازہ جاکھٹکھٹایا اور دہائی دی کہ صرف اگست کے مہینے میں 800کتوں کو وحشیانہ اور ظالمانہ انداز میں قتل کیا گیاہے جس سے ان کی دل آزاری ہوئی ہے اور سخت تکلیف پہنچی ہے۔درخواست گزاروں نے عدالت سے استدعا کی ہے کہ کتوں کے قتل عام کی مہم کو فوری طور پر روکا جائے اور حکومت سے کہا جائے کہ کتوں کو زہر دینے کے بجائے بانجھ کرنے کے انجکشن لگائے جائیں ۔کراچی وہ بدنصیب شہر ہے جہاں تین سال پہلے روزانہ اوسطاً 9افراد مارے جارہے تھے اور آج حالات بہتر ہونے کے باجود بھی بلاناغہ قتل کی وارداتیں ہو رہی ہیں۔حیرت ہے کسی درد دل رکھنے والے انسان کو یہ خیال نہیں آیا کہ انسانوں کے قتل عام پر صدائے احتجاج بلند کرے۔
بلوچستان میں سالہا سال سے مسخ شدہ لاشیں مل رہی ہیں،حقوق انسانی کی تنظیموں کے مطابق تو مرنے والوں کی تعداد بہت زیادہ ہے مگر صوبائی وزارت داخلہ کی رپورٹ کے مطابق اب تک ایک ہزار افراد کی تشدد زدہ لاشیں برآمد ہوئی ہیں۔تعجب ہے اس ظلم و زیادتی پر کسی کا دل نہیں پسیجا۔پولیس حکام کے مطابق گزشتہ اتوار سی ٹی ڈی لاہور کے اہلکار 4دہشتگردوں کو ایک جگہ سے دوسری جگہ منتقل کر رہے تھے کہ پہلے سے گھات میں بیٹھے ان کے ساتھیوں نے فائرنگ کر دی۔کون کہتا ہے ،آجکل معجزے نہیں ہوتے۔قدرت کا کرشمہ دیکھیں ،چاروں دہشتگرد موقع پر ہی مارے گئے،کسی پولیس والے کو خراش تک نہیں آئی اور حملہ آور بھی یوں غائب ہو گئے جیسے گدھے کے سر سے سینگ۔ہیومن رائٹس کمیشن آف پاکستان کے مطابق ایسے اصلی،معجزاتی اور کرشماتی پولیس مقابلوں میں گزشتہ برس 2115انسان مارے گئے مگر کسی کے کانوں پر جوں تک نہیں رینگی۔ہاں جب آوارہ کتے تلف ہونے لگتے ہیں تو ان حساس لوگوں کا ضمیر جاگ اٹھتا ہے۔انسان تو روز مرتے ہیں،خبر تو تب ہے جب کتا انسان کی موت مرے اس لئے حقوق کی دہائی دینے والے اس الجھن میں نہیں پڑتے کہ کب کہاں کتنے انسان مر گئے۔
مہذب دنیا کتوں کی فطرت کو سمجھتی ہے اس لئے ان کے گلے میں پٹہ ڈال کر رکھا جاتا ہے مگر ہمارے ہاں آوارہ کتوں کی بہتات ہے ویسے جب آوارہ اور بد چلن کتوں کا ذکر ہوتا ہے تو سوچتا ہوں کیا ایسے کتے بھی پائے جاتے ہیں جو آوارگی اوربدچلنی کے قائل نہ ہوں؟بہر حال مغربی یورپ میں پالتو کتوں کی آبادی چار کروڑتیس لاکھ تک جا پہنچی ہے۔برطانیہ میں 68لاکھ پالتو کتے موجود ہیں۔اٹلی اور پولینڈ میں ان کی تعداد 75,75لاکھ ہے۔کینیڈا میں 60لاکھ کتے پائے جاتے ہیں جبکہ سب سے زیادہ کتے فرانس میں جہاں ان کا تخمینہ 88لاکھ لگایا گیا ہے۔
ہمارے ہاں حکومت انسانوں کو گننے کا تکلف گوارا نہیں کرتی تو کتوں کا شمار کیسے ہو۔ہاں مگر یہاں کتے پالنے والے ان کے گلے میں پٹہ ڈالنے کے بجائے آوارہ مزاج بنانے کیلئے کھلا چھوڑ دیتے ہیں تاکہ وہ ان کے مخالفین پر بھونکیں بھی اور ضرورت پڑنے پر کاٹ بھی سکیں۔ ویسے تو یہاں سنگ مقید ہیں اور سگ آزادلیکن جب ان کتوں کو معلوم ہوتا ہے کہ وہ استعمال ہو رہے ہیں اور وہ اپنے مالکوں پر بھونکنے لگتے ہیں تو انہیں پاگل قرار دیکر مار دیا جاتا ہے۔یہ اور بات ہے کہ بعض کتے ،کتے کی دُم ثابت ہوتے ہیں اور آسانی سے جان نہیں چھوڑتے۔
کتوں کا ذکر ہو اور پطرس بخاری یاد نہ آئیں ،یہ کیسے ہو سکتا ہے۔میرا گمان ہے کہ پطرس نے کتوں کو موضوع بنا کر ان کی عزت افزائی کی البتہ نگوڑے کتے کہتے ہیں کہ ان کی بدولت پطرس کو مقبولیت حاصل ہوئی۔پطرس کتوں کی ہلڑ بازی سے بہت تنگ تھے۔کتوں کے جلسے جلوسوں کی وجہ سے راستوں کی بندش کا گلہ کرتے ہوئے لکھتے ہیں’’کتوں کی یہ پرلے درجے کی ناانصافی میرے نزدیک ہمیشہ قابل نفرین رہی ہے۔اگر ان کا ایک نمائندہ شرافت کیساتھ آکر کہہ دے کہ عالی جناب،سڑک بند ہے تو خد اکی قسم ہم بغیر چوں و چراں کئے واپس لوٹ جائیں۔لیکن سب کا یوں متحدہ و متفقہ طور پر سینہ زوری کرنا ایک کمینی حرکت ہے۔‘‘
1997ء میں ہالی وڈ کی ایک کامیڈی فلم ریلیز ہوئی جس کانام تھا’’Wag the Dog ‘‘یہ ایک انگریزی محاورہ ہے جس کا مطلب ہے کسی جعلسازی کے ذریعے لوگوں کی توجہ ہٹانا۔اس فلم میں ایک امریکی ڈاکٹر صدارتی انتخابات سے چند روز قبل ووٹرز کی توجہ سیکس اسیکنڈل سے بھٹکانے کیلئے ہالی وڈ کے ایک ڈائریکٹر کی خدمات مستعار لیتا ہے اور البانیہ کے ساتھ امریکہ کی جنگ کا شوشہ چھوڑتا ہے تاکہ سیکس اسکینڈل سے ان کی توجہ ہٹ جائے۔چونکہ یہ فلم مونیکا لیونسکی اسکینڈل سامنے آنے کے چند روز بعد تب ریلیز ہوئی جب امریکہ نے سوڈان کے شہر خرطوم پر حملہ کیا تھا اس لئے لوگوں اور میڈیا کی توجہ کا مرکز بن گئی۔اس فلم کے آغاز میں ایک خوبصورت حقیقت بیان کی گئی ہے۔فلم کے نام کا پس منظر بیان کرتے ہوئے بتایا جاتا ہے کہ ہمیشہ کتا ہی اپنی دُم کو ہلاتا ہے کیونکہ وہ چالاک اور ہوشیار ہے اگر کتے کے مقابلے میں اس کی دُم زیادہ اسمارٹ ہوتی تو وہ ناچنے کے بجائے نچاتی۔
بہر حال بات ہو رہی تھی ’’واگ دا ڈاگ‘‘ کی۔ہمارے ہاں بھی سیاست کے بازار میں ایک عرصے سے توجہ ہٹانے اور لوگوں کو بھٹکانے کا کھیل کھیلا جا رہا ہے۔بعض اپوزیشن جماعتوں کا خیال ہے کہ حکومت پاناما لیکس کےا سکینڈل سے توجہ ہٹانے کی کوشش کر رہی ہے جبکہ حکومت کا دعویٰ ہے کہ تحریک انقلاب،تحریک قصاص اور تحریک احتساب برپا کرنے والے ملکی ترقی اور خوشحالی کے ایجنڈے سے توجہ ہٹانے اور لوگوں کو بھٹکانے کیلئے سڑکوں پر ہیں۔یہ لوگ ایک دوسرے کو بھٹکانے میں کامیاب ہوں یا نہ ہوں ،دونوں فریق میڈیا کو بھٹکانے میں ضرور کامیاب ہوچکے ہیں۔جب ان کی سیاست گردی عروج پر تھی تو راولپنڈی اور لاہور میں کئی بیمار سسک سسک کر مر گئے ۔ان کے لواحقین روتے پیٹتے اور منتیں سماجتیں کرتے رہ گئے۔
لیکن اس کے باوجود بعض ٹی وی چینلز کی نشریات پر ان بعض شعبدہ بازوں اور فال نکالنے والے طوطا مارکہ تجزیہ نگاروں کا غلبہ رہا اور اصل ایشوز نظر انداز ہوتے رہے۔جب ہمارا میڈیا ان فضولیات میں الجھا ہوا تھا تو غازی پور کی سینٹرل جیل میں متحدہ پاکستان کے ایک اور وفادار شہری میر قاسم علی کو پھانسی دیدی گئی۔عبدالقادر مُلا کی شہادت سے شروع ہونے والی اس انتقامی کارروائی میں اب تک بنگلہ دیش کے 6رہنمائوں کو تختہ دار پر لٹکایا جا چکا ہے اور ہم بطور احتجاج بنگلہ دیش کے سفیر کو ملک بدر کرنے کا فیصلہ بھی نہیں کر سکے۔کتوں کے قتل پر غل مچ جاتا ہے مگر بنگلہ دیش میں انسانوں کے خون ناحق پر صدائے احتجاج بلند نہیں ہوتی کیونکہ چار سو ’’واگ دا ڈاگ‘‘کی پالیسی جاری ہے۔
پچھلے دنوں ایک تحریر نظر سے گزری جس میں پاکستان کے حوالے سے ایک بڑی ستم ظریفی کا ذکر تھا. مصنف کا کہنا تھا کہ یہ ایسا ملک ہے جس کے لیے اس کی سرحدوں سے پار رہنے والے بنگلہ دیش اور مقبوضہ کشمیر میں اپنی جانوں سے جا رہے ہیں جبکہ خود اس کے اندر سے اس کے لیے مردہ باد کی صدائیں بلند ہوتی ہیں.
تو کیا اب ہر محب وطن یہ سمجھ لے کہ وہ اکیلا ہے؟
مسلم معاشروں میں اسلام کی ریاست و سیادت کو واپس لانے کی متمنی آوازیں اپنے تمام تر اختلاف کے باوجود میرے لیے قابل قدر ہیں۔ یہ میرا کیمپ ہیں، اگرچہ حالات و وقائع کو پڑھنے میں ان میں سے ایک ایک کا زاویہ نگاہ کتنا ہی ایک دوسرے سے جدا ہو۔ اپنا یہ کیمپ، اپنی تمام تر وسعت اور تنوع کے ساتھ، مجھے عزیز ہے اور اس کو کسی ایک ہی رائے یا ایک ہی نقطہ نظر میں سکیڑ ڈالنا نامنظور۔ ایسا کر کے میں اپنے ایک بڑے اثاثے سے محروم ہو جاؤں گا۔ پھر ایک مسئلہ ترکی میں ہو، اس پر یہاں ایک دوسرے کے ساتھ الجھنا ہمارا بنتا ہی نہیں ہے۔ ہمارے لیے یہاں کے مسائل بھی کچھ اتنے کم نہیں ہیں۔ اور جس چیز کی سب سے بڑھ کر یہاں ضرورت ہے وہ ہے اسلامی آوازوں کی ہم آہنگی، تنوعِ آراء کو قربان کیے بغیر۔
کر رہی ہیں (جو گویا اپنی جگہ ایک مسلَّمہ ہے، اختلاف صرف اس سے نکالے جانے والے ’نتائج‘ پر ہو رہا ہے!) لیکن عجب تضاد ہے کہ ایک ہی جیسے واقعے کی ایک طرف جماعتِ اسلامی تائید کر رہی ہے اور ایک طرف مخالفت! خصوصاً یہ کہ حسینہ واجد عین اردگان والے کام بس ذرا عجلت سے انجام دے رہی ہیں! کچھ تجزیے واقعتاً چونکا دینے والے ہوتے ہیں۔ بنگلہ دیشی حکومت اور ترکی حکومت کے اقدامات میں ’واضح مماثلت‘! اردگان ہمارے سامنے بغاوت کے ایک بالکل حالیہ تازہ واقعے پر اقدامات کر رہے ہیں، اور وہ بھی ایک ایسا بھاری بھرکم واقعہ جس میں نہ صرف وہ اور ان کے رفقائےکار داؤ پر لگ چکے تھے بلکہ ترکی کی جمہوریت اس کے اندر بال بال بچی (اردگان کو چھوڑیے، جمہوریت جس سے مقدس تر چیز اِس جہان میں، اور اس کی پوری تاریخ میں، کبھی پائی ہی نہیں گئی!)۔ پھر اردگان نے ابھی کوئی سزائیں دی بھی نہیں ہیں۔ لہٰذا اردگان کےلیے تو ’عجلت‘ کا لفظ برمحل ہی ہے! لیکن حسینہ واجد تو نصف صدی پہلے کے واقعات، کہ جب ’ان کا‘ ملک بھی ابھی نہیں بنا تھا، ڈھونڈ ڈھونڈ کر اور کھود کھود کر نکال رہی ہیں. تھوڑی اور دیر کر لیتیں تو وہ سارے بزرگ جو ’ان کا‘ ملک بننے سے پہلے اس کے خلاف کسی مبینہ بغاوت کے مرتکب رہ چکے ’ہوں گے‘، پھانسی کے بغیر ہی دنیا سے چلے جاتے! عجلت! کہاں نصف صدی پرانا ایک شدید متنازعہ اور ممکن التوجیہ واقعہ، اور کہاں تازہ بغاوت کا ایک چیختا دھاڑتا ناقابلِ تفسیر واقعہ! اردگان کے زیراقتدار دفاتر میں بھی پچاس سال پرانے ترکی کی کچھ فائلیں پڑی تو یقیناً ہوں گی۔ یہ ان بوسیدہ فائلوں کو نکالتے۔ تھوڑی ان کی گرد جھاڑتے۔ اس کے گڑے مردوں کو اٹھاتے اور پھانسی کے اعزازات سے سرفراز کر کر کے ترکی کے اُن سفید ریش بزرگوں کو جہانِ فانی سے رخصت کرواتے چلے جاتے، ظاہر ہے وہ سب پرانی باتیں دلوں کے کسی نہ کسی کونے میں ابھی پڑی ہوں گی، بھڑاس نکالنے میں سوائے معقولیت کے اور ’عجلت‘ وغیرہ ایسا کوئی الزام لگ جانے کے خوفناک اندیشے کے، آخر کیا چیز حائل تھی!؟ یا پھر، دوسری جانب، 
حسینہ واجد کے خلاف اُن کہنہ سال پاپیوں نے اپنے پچاس برس پرانے گناہوں کو نہایت کم اور ناکافی جانتے ہوئے، حال ہی میں دن دہاڑے کوئی ایسی بڑی سطح کی مسلح بغاوت کر لی ہوتی جیسی ترکی میں ہوئی، پھر تو حسینہ واجد کےلیے بھی ’عجلت‘ کا لفظ بولنا اور بنگلہ دیش کی ان محترمہ کو ترکی کے اردگان کے ساتھ ملانا بنتا۔ لیکن ایسا کچھ بھی ہوئے بغیر دونوں کے مابین مماثلت اور وہ بھی عجلت کے حوالہ سے، جبکہ ترکی میں تو نہ ابھی کسی پر کوئی مقدمہ چلا اور نہ کسی کو کوئی سزا ہوئی، صرف ایک نیٹ ورک سے وابستہ لوگوں کی پکڑ دھکڑ ہو رہی ہے، اس کے علاوہ کچھ بھی کہنا قبل از وقت ہے۔ میرا خیال ہے، حسینہ واجد کے ساتھ تھوڑی زیادتی نہیں ہو گئی!؟
اردگان صاحب کچھ لوگوں کو ان کے ناکردہ گناہوں کی سزائیں بھی دینے لگے ہیں تو پھر حق بنے گا کہ اپنے ایک بھائی کو ظلم سے روکا جائے۔ (ابھی تو ایک نیٹ ورک کو توڑنے کا عمل ہو رہا ہے، جس پر باہر بیٹھ کر کچھ کہنا مشکل ہے کہ کہاں کہاں وہ عمل اپنی حدود سے تجاوز کر رہا ہے۔ البتہ اس نیٹ ورک کے وجود سے انکار کرنا کسی کےلیے بھی ممکن نہیں، حسینہ واجد کو درپیش ’مسئلہ‘ کے ساتھ مماثلت پر معذرت کے ساتھ)۔ اردگان کےلیے ہماری محبت کے پیچھے کارفرما چیز اگر اسلام ہے تو وہ اسلام ہی اس بات میں مانع ہو گا کہ ایک ظلم میں ہم کبھی بھی اردگان کی حمایت کریں۔ لیکن ہم کہتے ہیں، ایسا الزام ہم پر قبل از وقت ہے۔ ہمارا ماننا ہے کہ اسلام محض ایک جذبہ نہیں، واضح احکام پر مبنی ایک شریعت ہے جو ظلم میں اپنے سگے بھائی تک کے ساتھ کھڑا ہونے سے ہم کو روک دیتی ہے اور اسلام کی روکی ہوئی چیز سے نہ رکنا اسلام کی کوئی خدمت نہیں ہے۔ خدا نہ کرے اردگان کسی ایسے ظلم کی راہ چلے۔ اور لازم نہیں کہ جماعت اسلامی اس وقت بھی اردگان کی حمایت جاری رکھے۔ ہر دو کےلیے ہم عدل و انصاف پر استقامت کی دعاء کرتے ہیں۔ [pullquote] إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ
اوریا مقبول جان ایسی آوازیں جو بہت کھل کر آ جاتی ہیں، ایک تعداد کو آسودہ کرتی ہیں تو ایک تعداد ان کے ہاتھ سے نکل بھی جاتی ہے۔ کیونکہ رائےعامہ جن رجحانات کی تخلیق کردہ ہے وہ ایک سطح پر اوریامقبول ایسی آوازوں کو سُنے بغیر مسترد کر دینے کی جانب مائل رہتی ہے۔ لیکن ہو سکتا ہے اسی رائےعامہ کی ایک تعداد 
عامر خاکوانی ایسی آوازوں کو سننے کی روادار ہو جائے، جس کی وجہ لامحالہ اوریا کی نسبت خاکوانی کی بابت ان کا ایک مختلف تاثر ہے۔ یہ دونوں اگر اسلام کے خیرخواہ ہیں تو یہ دونوں میری ضرورت ہیں؛ میں اِن دونوں کے بغیر نہیں رہنے کا۔ صرف دو کیا، بہت زیادہ سطحیں یہاں بیک وقت میری ضرورت ہیں۔ اسلامی ایجنڈے کی ہمدرد صحافتی آوازوں میں سے ہر آواز اپنی ساکھ کے معاملہ میں ایک اکاؤنٹ کے مانند ہے۔ کوئی اکاؤنٹ ہولڈر اپنے اکاؤنٹ سے کچھ ’’کیش‘‘ نہیں کروا سکتا جب تک کہ وہ اس میں کچھ ’’ڈیپازٹ‘‘ نہ کرے (’کٹوتی‘ کا معاملہ الگ ہے!)۔