نگورنو-کاراباخ کا تنازعہ جنوبی قفقاز کا سب سے پرانا اور پیچیدہ تنازعہ ہے۔ یہ علاقائی اور نسلی بنیادوں پر آرمینیا اور آذربائیجان کے درمیان جاری ہے۔ اس تحقیق میں اس تنازعے کی تاریخ، علاقائی امن پر اثرات، اور عالمی طاقتوں کی شمولیت کا تجزیہ کیا گیا ہے۔
روس، ترکی، اور ایران کے کردار کے ساتھ ساتھ امریکہ اور یورپی یونین کی کوششوں کو بھی بیان کیا گیا ہے۔ یہ تنازعہ ترقیاتی منصوبوں، سڑکوں، بجلی کی ترسیل اور علاقائی تعاون پر منفی اثرات مرتب کرتا ہے۔ تحقیق حقیقت پسندانہ نظریے (Realism) پر مبنی ہے جس کے مطابق ریاستیں اپنے مفادات اور طاقت کے لیے اقدامات کرتی ہیں۔
تحقیقاتی سوالات:
• امریکہ اور یورپی یونین نے امن مذاکرات میں کیا کردار ادا کیا؟
• ایران، ترکی اور روس کے اسٹریٹجک مفادات نے اس تنازعے پر کیا اثر ڈالا؟
ادب کا جائزہ:
مختلف اسکالرز نے اس بات پر زور دیا کہ آرساخ (نگورنو-کاراباخ) کی حالت جنگ کی وجہ سے بگڑ گئی ہے، کیونکہ وہ آرمینیا پر دفاع، سیاست اور معیشت میں بہت زیادہ انحصار کرتا ہے۔ 2020 کی جنگ میں آذربائیجان نے علاقہ واپس لے کر آرمینیائی کنٹرول کو چیلنج کیا۔ ایران، ترکی، اور روس کے مفادات اور مداخلت اس تنازع کو مزید پیچیدہ بناتے ہیں.
تحقیقی خلا:
زیادہ تر مطالعات عالمی طاقتوں کی شمولیت کا ذکر کرتی ہیں لیکن وہ امریکہ اور یورپی یونین کی سفارتی کوششوں کے اثرات پر کم روشنی ڈالتی ہیں۔ اسی طرح، ایران، روس، اور ترکی کی حکمت عملیوں کے نتائج پر بھی تفصیلی تحقیق کم ہے۔
تحقیقی مقاصد:
• نگورنو-کاراباخ میں امریکہ اور یورپی یونین کی امن کوششوں کا تجزیہ کرنا۔
• ایران، ترکی اور روس کے مفادات کے اس تنازع پر اثرات کا مطالعہ کرنا۔
تحقیق کا طریقہ کار:
اس تحقیق میں معیاری طریقہ کار (Qualitative Methodology) استعمال کیا گیا ہے، جس میں کتابیں، تحقیقی مضامین، کیس اسٹڈیز، اور امن معاہدوں کا تجزیہ کیا گیا۔ تحقیق حقیقت پسند نظریہ (Realist Theory) پر مبنی ہے، جس کے مطابق ریاستیں اپنے مفاد، طاقت اور تحفظ کے لیے اقدامات کرتی ہیں۔
مسئلے کا بیان:
نگورنو-کاراباخ کا تنازعہ سوویت یونین کے بعد کا ایک اہم اور اب تک حل نہ ہونے والا علاقائی جھگڑا ہے۔ کئی جنگ بندیوں اور مذاکرات کے باوجود، یہ خطہ مسلسل عدم استحکام کا شکار ہے، جو نہ صرف آرمینیا اور آذربائیجان بلکہ پورے یوریشیائی خطے کے لیے خطرہ ہے۔
آرمینیا اور آذربائیجان کا کردار:
• آرمینیا نے سوویت یونین کے بعد کاراباخ کو اپنی خودمختاری کا حصہ مانا۔
• روس کی فوجی مدد پر انحصار کیا، لیکن 2020 کی جنگ میں شکست کھائی۔
• علاقائی تنہائی کی وجہ سے اقتصادی بحران کا سامنا رہا۔
• 2020 میں علاقہ واپس حاصل کیا
• ترکی کی فوجی حمایت
• توانائی وسائل سے طاقت حاصل کی
عالمی طاقتوں کی شمولیت:
• روس: ثالثی کرتا رہا، دونوں فریقوں کو اسلحہ فراہم کرتا رہا۔
• ترکی: آذربائیجان کی کھلم کھلا حمایت کی، ڈرون اور فوجی امداد فراہم کی۔
• ایران: آرمینیا کے ساتھ اچھے تعلقات رکھتا ہے، لیکن علاقائی سلامتی پر فکر مند ہے۔
• اسرائیل: آذربائیجان کو جدید ہتھیار فراہم کرتا ہے۔
• جارجیا: آذربائیجان کے ساتھ اتحاد میں ہے، علاقائی امن کے لیے نکتہ نظر اپناتا ہے۔
تنظیموں پر اثرات:
• روسی اتحاد جیسے CSTO اور EEU پر عوامی اعتماد کم ہوا۔
• ایران اور جارجیا کو سرحدی اور تجارتی مسائل درپیش آئے۔
• ترکی اور یورپی یونین کے لیے توانائی منصوبے خطرے میں پڑ گئے۔
نتائج و تجزیہ:
تحقیق سے ظاہر ہوتا ہے کہ یہ تنازعہ علاقائی یکجہتی، تجارتی ترقی اور توانائی کے تعاون کے لیے بہت بڑا خطرہ ہے۔ بڑی طاقتیں اپنے مفادات کی بنیاد پر مداخلت کرتی ہیں، جس سے امن کی کوششیں پیچیدہ ہو جاتی ہیں۔ نگورنو-کاراباخ کا تنازعہ ایک تاریخی، نسلی، اور جغرافیائی مسئلہ ہے جس میں عالمی طاقتوں کے مفادات شامل ہو چکے ہیں۔ حقیقی امن صرف اسی وقت ممکن ہے جب سب فریق اعتماد سازی، پائیدار مذاکرات اور مشترکہ ترقی کو ترجیح دیں۔
تبصرہ لکھیے