ہمارا معاشرہ کس قدر وسیع سوچ کا مالک ہے یہ مجھے ابھی خبر ملی ہے جب لکھنے سے میرا واسطہ پڑا۔ ایک بات سے مجھے افسوس بھی ہوتا ہے وہ یہ کہ تاریخ پہ اگر تحقیق کی جائے نہیں تو امریکہ یورپ آسٹریلیا یہاں تک کہ پڑوسی ملک بھارت کی بھی مثالیں ملتی ہیں لیکن ایک بھی مثال ایسی نہیں ہے جو پاکستان سے نکلی ہو .
لیکن آئندہ تاریخ میں یہ ممکن ہے کیونکہ پاکستان میں بہت ہونہار لوگ کام کر رہے ہیں. اور مجھے فخر ہے کہ میری مثال بھی ایسے لوگوں میں شامل ہے. اگرچہ مجھے شادی بیاہ کا رشتہ خاص بھاتا نہیں ہے لیکن پھر بھی میں جب تک پڑھ رہا تھا تو کچھ ایسی مثالیں سامنے آئیں، جنہوں نے مجھے ہلا رکھ دیا۔ میں ہرگز شادی کے خلاف نہیں ہوں بلکہ میں یہ سمجھتا ہوں کہ میاں بیوی کا رشتہ بہت معتبر رشتہ ہے. لیکن میری ذاتی رائے یہ ہے کہ انسان جتنا آزاد اکیلا ہے، اتنا کسی کے ساتھ نہیں . جس کی ایک وجہ یہ بھی ہے کہ میں یہ کہتا ہوں کہ دو سے ایک بہتر ہے. کیونکہ دو ہوں گے تو جب ایک جائے گا تو دوسرا اس کی یاد میں ہی پاگل ہو جائے گا.
ایک یہ بھی وجہ ہے کہ مجھے یہ رشتہ نہیں بتا کر اب موضوع کی طرف آتے ہیں۔ میں پاکستان کے لوگوں کی جہاں تک دیکھتا ہوں یہاں کے لوگ ہم معذور افراد کو ایسے سمجھتے ہیں۔ جیسے ہم کسی قابل ہی نہ ہو اکثر یہ جملہ سننے کو اس بیچارے کا کیا بیاہ کرنا یہ تو کچھ کر بھی نہیں سکتا پھر جنسی تعلق کے حوالے سے کس کس قدر بےشرم باتیں بطور ہمدرد تبصرأ کی جاتی ہیں. میں آپ کو چند مثالیں بتاتا ہوں جس کو سن کر شاید اپ کے بھی رونگٹے کھڑے ہو جائیں گے۔
فرینکلین ڈی ریزوویلٹ اور ایلینار ریزوویلٹ فرینکلین پولیو کے مریض تھے. ایلینار سیاستدان تھیں اس کے باوجود ان کی شادی ہوئی، کوئی دباؤ نہیں.
دوسری مثال ہمیں جون نیش اور علیشہ نیش کی ملتی ہے. جون شیزوفرنیا کے مریض تھے .علیشہ نیش انکی اہلیہ معاشرتی مسائل کی وجہ سے ان کی طلاق ہوگئی، لیکن وہ پھر بھی ان کا ساتھ دیتی رہی اور آخر میں انہوں نے دوبارہ ان سے شادی کر لی .
تیسری مثال ہمیں نک وجیسس اور کنائے میاہرا کی ملتی نک بغیر ہاتھ پیر کے پیدا ہوئے کنائے کی پھر بھی ان سے شادی ہوئی اور نہ صرف شادی ہوئی بلکہ محبت کی شادی ہوئی. لیکن ہمارے یہاں معذوروں کو ایسے دیکھا جاتا ہے جیسے وہ الگ ہی مخلوق ہوں.
چوتھی مثال بھی سن لیجیے : اینڈریا بیکلین اور وکٹوریہ برتھی اینڈریا نابینا تھے وکٹوریہ نے پھر بھی ساتھ نبھایا۔
پانچویں مثال ہمیں سدھا چندرن اور روی دانگ کی ملتی ہے. بیوی اگرچہ مصنوعی ٹانگ کے سارے جی رہی تھی لیکن شوہر نے پھر بھی ساتھ نبھایا تو ہمیں اپنے معاشرے میں کہاں ملتے ہیں.
یہ تو رہی شادی شدہ زندگی کی مثال ہے. اب محبت کی زندہ میں ہیلن کیلر اور پیٹر فیگن ہیلن کیلر نابینا بحری اور گونگی تھی .باوجود اس کے پیٹر فیگن اور وہ ایک دوسرے کو چاہتے تھ.ے لیکن تب امریکہ میں بھی ہمارے جیسے معاشرے کے حالات تھے تو انکی شادی نہیں ہو سکی .دلچسپ بات اور وفا کی مثال یہ ہے کہ پیٹر فیگن نے بھی شادی نہیں کروائی۔ اب دوستی کی مثال سنیں جہاں تک بات ہمارے معاشرے کی ہے یہاں تو اس لفظ کو ہی نہیں سمجھا گیا ہے بلکہ کافی غلط سمجھا گیا ہے .
میں آپ کو ایک مثال دیتا ہوں ،یہ چند مثالیں سن کر آپ شاید حیران ہوں. جین ڈومنق بوبی اور کلاؤڈی مینڈی بل جین ڈومنق سٹیفن ہاکنگ کی طرح مکمل مفلوج تھے. لیکن فرق صرف اتنا تھا کہ جین ڈومنق کی ایک آنکھ بھی بند تھی کلاؤڈی مینڈی بل انہیں ایک آنکھ سے لکھنا سکھایا ،یہ پاکیزہ دوستی کی عمدہ مثال بنی۔
دوسری مثال ہمیں کرسٹور براؤن (جسے سب کرسٹی کہتے تھے) اور میری کار کی ملتی ہے کرسٹوفر براؤن مفلوج مصور تھے میری کار ان کی ہمدرد بنی رہی تیسری مثال سٹیو ونڈر اور اوپرا ونفرے کی ملتی ہے. سٹیو نابینا تھے اوپرا ان کی دوست تھیں، جنہوں نے انہیں میوزیشن بنایا۔ چوتھی مثال مارلی مارٹن اور ہینری ونکلر کی ہے دونوں اداکار تھے دونوں نے ایک دوسرے کو خوب ساتھ نبھایا یہ بھی پاکیزہ دوستی کی مثال ہے .لیکن صد افسوس ہے کہ ہمارے معاشرے میں ایسا کوئی ڈرامہ بھی نہیں لکھا جاتا جس میں معذور افراد کے جذبات کو دکھایا جائے. ادیبوں سے گزارش ہے کہ ایسا کچھ لکھیں.
ہاں!
ایسے ہی کچھ دوستیاں وہاں بھی معاشرے کی قیاس آرائیوں کا شکار رہی ہیں .کیونکہ ابتدائی دور میں امریکہ بھی تنگ نظر ہی تھا ،لیکن ہمارے معاشرے میں تو ایسے افراد سے آج بھی دوستی سے گریز ہی کیا جاتا ہے .خیر یہاں ہر رشتے کو ایک ہی نظر سے دیکھا جاتا ہے اور اس بات کا مجھے برا بھی لگتا ہے. کچھ مثالیں اور سنیے کلاؤڈی مونٹ فنکارہ تھیں اور برتھ موریزوٹ جو کہ آنکھوں سے کمزور تھیں انکی بیسٹ فرینڈ تھیں .
دوسری مثال فریدا کاہلو اور نیلے بلائے فریدہ شدید معذوری میں تھی اور نیلے میں ان کا ساتھ نبھایا جو کہ ایک زبردست صحافی تھیں۔
تیسری مثال سیلنہ گومز اور فرنسیہ رائشہ فرانسیہ رائشہ نے سیلنہ کو گردے دئے۔ایسی دوستی یہاں کہاں ہے یہاں تو دوستی کو یا تو کچھ سمجھا نہیں جاتا یا سمجھ بھی لو تو نہیں نبھائی نہیں جاتی .
اب کچھ مثالیں اور سنیے مائیکل جے فاکس اور کرسٹوفر لائیڈ مائیکل معذور تھے اور لائیڈ ایک اداکار تھے جو ان کے بیسٹی تھے بین انڈر ووڈ جو ایک نابینا لڑکا تھا اور آواز سے محسوس کرتا تھا انکا بیسٹ فرینڈ روری سدرلینڈ تھا جنہوں نے انہیں سائیکل چلانا سکھایا۔
لیکن افسوس یہ ہے کہ ہمارے معاشرے میں یہ بھی کم ہی دیکھنے کو ملتا ہے جانے کب ہمارے معاشرے میں شعور آئے گا اور کب لوگ بلکہ ہم جیسے لوگ بھی انسان ہونے کا سرٹیفکیٹ حاصل کر سکیں گے۔براہ کرم ایسے انسانوں کو بھی انسان ہی سمجھے اور ان کے جذبات پر بھی لکھا کریں تاکہ وہ بھی سکھ کا سانس لے سکیں۔
تبصرہ لکھیے