ہوم << ”دلیل“ کی جانب سے تین خوشخبریاں

”دلیل“ کی جانب سے تین خوشخبریاں

الحمدللہ! دلیل کی کامیابی کا سفر مسلسل جاری ہے۔ اسی کامیابی کے سلسلے میں آج ہم آپ کو تین خوشخبریاں سنانے جا رہے ہیں۔ چونکہ دلیل آپ کی ویب سائٹ ہے، اس لیے دلیل ٹیم اس کی ہر چھوٹی بڑی خوشی میں آپ کو شامل کرنا اپنا فرض سمجھتی ہے۔
%d8%af%d9%84%db%8c%d9%84-%d9%be%db%8c%d8%ac-%d9%88%db%8c%d9%88%d8%b2 پہلی خوشخبری یہ ہے کہ ایک دن میں ”دلیل“ کے پیج ویوز 1 لاکھ سے زیادہ رہے، یعنی 1 لاکھ 15 ہزار۔ باعثِ اطمینان بات یہ ہے کہ الحمدللہ یہ ہدف بغیر کسی مضمون کی اسپانسر شپ کے حاصل ہوا۔
دوسری خوشخبری یہ ہے کہ پاکستان کے معروف دانشور اور کالم نگار اوریا مقبول جان کے کالم کو اخبار نے شائع کرنے سے انکار کردیا، جو انہوں نے ازراہِ تلطف ”دلیل“ کو بھجوایا۔ اسے دو دنوں میں اتنی پذیرائی ملی کہ ایک لاکھ سے زائد افراد نے اسے پڑھا اور 28 ہزار سے زائد بار یہ تحریر شیئر ہوچکی ہے۔
اوریا مقبول جان
%d8%af%d9%84%db%8c%d9%84 تیسری خوشخبری یہ ہے کہ دلیل پہلی مرتبہ پاکستان میں رینکنگ کے اعتبار سے ہزاریے سے سیکڑے میں داخل ہوگئی ہے۔ گو کہ آگے کا سفر مشکل ضرور ہے، مگر آپ کا تعاون اسی طرح جاری رہا تو آپ کو تسلسل کے ساتھ ایسی خوشی کی مزید خبریں ملتی رہیں گی۔
یہ بات تحدیث نعمت کے طور پر بیان کی جارہی ہے کہ اس وقت دلیل کو کسی بھی ویب سائٹ کے مقابلے میں مختلف نقطہ نظر رکھنے والے زیادہ لکھاریوں کا تعاون حاصل ہے۔ اسی طرح خواتین کی نمایندگی کے اعتبار سے بھی دلیل بڑا پلیٹ فارم بن کر سامنے آیا ہے اور اس وقت کئی درجن خواتین دلیل کے ذریعے اپنی نگارشات پیش کر رہی ہیں۔
دلیل ٹیم اس بات پر بھی اطمینان کا اظہار کرتی ہے کہ دلیل کسی خاص مکتب فکر کی ترجمانی کے بغیر اپنا یہ سفر جاری رکھے ہوئے ہے۔ دلیل کے دروازے ہر ایک کے لیے کھلے ہیں۔ تمام آرا کو قدر کی نگاہ سے دیکھا جاتا ہے، اور ہر ممکن طریقے سے انھیں جگہ دینے کی کوشش کی جاتی ہے۔ آپ سب کے تعاون کا بےحد شکریہ۔ ان شاء اللہ بہتری کا یہ سفر آپ کے تعاون سے جاری رہے گا اور آپ کو ایسی خوشخبریاں تسلسل کے ساتھ ملتی رہیں گی۔

Comments

Click here to post a comment