لورینٹ سائمنز نے محض 15 سال کی عمر میں کوانٹم فزکس میں پی ایچ ڈی مکمل کر کے دنیا کو حیران کر دیا۔ انہوں نے یہ کارنامہ یونیورسٹی آف اینٹورپ سے حاصل کیا۔
لورینٹ سائمنز کا تعلیمی سفر غیر معمولی رہا ہے۔ انہوں نے 4 سال کی عمر میں اسکول کا آغاز کیا، 6 سال کی عمر میں پرائمری تعلیم مکمل کی اور صرف 12 سال کی عمر میں کوانٹم فزکس میں ماسٹرز ڈگری حاصل کر لی تھی۔ ان کا آئی کیو لیول 145 بتایا جاتا ہے، جبکہ ان کی یادداشت کو فوٹوگرافک قرار دیا جاتا ہے۔
نوجوان سائنسدان کا کہنا ہے کہ ان کا مقصد صرف ڈگریاں حاصل کرنا نہیں بلکہ انسانی زندگی کو بہتر اور طویل بنانے پر تحقیق کرنا ہے۔ اپنے قریبی عزیزوں کو کھونے کے بعد انہوں نے اس میدان میں کام کرنے کا عزم کیا۔
رپورٹس کے مطابق امریکہ اور چین کی بڑی ٹیکنالوجی کمپنیوں نے انہیں ملازمت کی پیشکش کی، تاہم ان کے والدین نے فی الحال ان کا بچپن محفوظ رکھنے کے لیے یہ پیشکشیں قبول نہیں کیں۔
ماہرین کے مطابق ایسے غیر معمولی ذہین نوجوان مستقبل میں سائنسی ترقی اور انسانیت کی بہتری میں اہم کردار ادا کر سکتے ہیں۔
تبصرہ لکھیے