ہوم << مذموم محبت - حنا تحسین طالب

مذموم محبت - حنا تحسین طالب

محبت دل میں اتری تھی
کسی آسیب کی صورت
میری خوش رنگ دنیا میں
اندھیری رات کی صورت
شب ماہ کامل میں
بھیانک خواب کی صورت
سلگتی راکھ کی صورت
محبت دور تھی جب تک
بہت خوش باش رہتے تھے
ہمیشہ شاد رہتے تھے
ویرانے رہ گئے اب تو
محبت کھا گئی رونق
اجاڑا دل کی دنیا کو
کسی سفاک کی صورت
محبت دل میں اتری تھی
کسی آسیب کی صورت

Comments

Click here to post a comment