”فیس بک بانی مارک زکربرگ انتقال کرگئے “

فیس بک نے ایک بھیانک غلطی کرتے ہوئے اپنے ڈیٹابیس میں موجود لوگوں کی بڑی تعداد کو مار دیا۔ شاید ڈونلڈ ٹرمپ کے صدر بننے کے بعد فیس بک انتظامیہ ہوش و حواس کھو بیٹھی تھی۔
سوشل میڈیا کی اس بڑی ویب سائٹ پر مر جانے والے افراد کی یاد میں ان کی فیس بک پروفائل پر ایک بینر لگایا جاتا ہے جس میں بتایا جاتا ہے کہ یہ صارف انتقال کر چکا ہے اور ان کی فیس بک ”وال“ کو ایک یادگار میں تبدیل کردیا گیا ہے۔ گزشتہ روز غلطی سے فیس بک انتظامیہ کی غلطی سے سبھی کی وال یہی نظارہ پیش کرنے لگی یہاں تک کہ مارک زکربرگ کی بھی۔ اور ان کی موت کا بھی اعلان کر دیا گیا.

یعنی دنیا میں صرف دو لوگ بچے، ایک وہ جو فیس بک کے’قتل عام‘ کا نشانہ بنے اور دوسرے وہ جو بچ گئے۔
فیس بک نے اس غلطی پر معافی مانگتے ہوئے کہا ہے کہ ”آج مختصر وقت کے لیے وہ پیغام ان اکاؤنٹس پر پوسٹ ہوگیا تھا جو یادگاری پروفائلز کے لیے ہوتا ہے۔ یہ بھیانک غلطی تھی جسے ہم نے اب ٹھیک کردیا ہے۔ ہم اس پر معذرت خواہ ہیں۔“