ماشاءاللہ بہت بہترین فیصلہ !
شکریہ حافظ نعیم الرحمان !
بڑی خبر یہ ہے کہ حافظ نعیم الرحمان کو وزیراعظم نے امریکہ سے ٹیلی فون کیا، پٹرولیم لیوی پر ریلیف دینے کی یقین دہانی اور لانگ مارچ ملتوی کرنے کی درخواست کی۔ امیر جماعت نے ذمہ داران سے مشاورت کے بعد ملتان میں پریس کانفرنس کرتے ہوئے لانگ مارچ اکتوبر تک ملتوی کرنے کا اعلان کر دیا ۔ اور واضح کیا کہ ریلیف نہ ملا تو احتجاج دوبارہ شروع ہوجائے گا۔
اس اعلان کے ساتھ ہی جماعت اسلامی کے عوامی احتجاج کے خلاف تمام سازشی بیانئے اپنی موت آپ مرگئے ۔ ن لیگی ٹرولز کہتے تھے کہ جماعت اسٹیبلشمنٹ کے کسی خفیہ اشارے پر حکومت کے خلاف متحرک ہوئی ہے اور ملک میں انارکی انتشار بدامنی پھیلا کر حکومت گرانا چاہتی ہے . پی ٹی آئی ٹرولز کہتے تھے کہ جماعت نے ہمارا لانگ مارچ خراب کرنے کیلئے اپنا لانگ مارچ اناؤنس کیا ہے ۔ حکومتی حکم پر میڈیا ان کے لانگ مارچ کی بھرپور کوریج کرے گا اور ہمارا میڈیا بلیک آوٹ رہے گا . حافظ نعیم الرحمان کے اعلان سے دونوں پارٹیوں کا پھیلایا گیا پروپیگنڈا ناکام ہوگیا ۔ امیر جماعت اسلامی نے ثابت کر دیا کہ ان کا احتجاج خالص عوام کیلئے تھا ۔ وہ نہ ملک میں انتشار چاہتے ہیں اور نہ کسی خفیہ اشارے پر چلتے ہیں۔ انہوں نے احتجاج کے دوران تمام ملاقاتیں اوپن اور میڈیا کے سامنے کیں اس لئے کہ ایجنڈا صرف عوام کی بھلائی تھا۔ اب ن لیگی ٹرولز اپنا بیانیہ واپس لیں اور حافظ نعیم الرحمان کو تھینک یو بولیں ، (کہ ان کی حکومت موجود ہے)۔
جبکہ پی ٹی آئی ٹرولز بھی شکریہ نعیم الرحمان کہیں کہ ان کا لانگ مارچ “خراب” نہیں ہوا، (وہ کھل کے انقلاب لا سکتے ہیں) ۔ جبکہ عوام کو اب سمجھ لینا چاہیے کہ اس وقت عوام سے اصل مخلص سیاسی رہنما صرف حافظ نعیم الرحمان ہی ہے جو عوام کا سوچتا ہے۔ جس کی اپنی انا ، ضد ، یا بت نہیں صرف عوام کی بھلائی، عوام کی سہولت، عوام کا مستقبل– پوری سیاست پر مقدم ہے۔
تبصرہ لکھیے