قلم کاروان اسلام آباد
کاروائی ادبی نشست
منگل مورخہ27،اپریل2026ء
مجلس مشاورت:میر افسر امان,دکتور ساجد الخاکوانی,ڈاکٹر صلاح الدین صالح
آج بعد نمازمغرب قلم کاروان کی ہفت روزہ ادبی نشست G6اسلام آبادمیں بعدنمازمغرب منعقد ہوئی۔ پیش نامے کےمطابق آج کی نشست میں مشرق وسطی کی جنگ کے حوالے سے”تہران ہوگرعالم مشرق کاجنیوا”کے عنوان پرتحریری مذاکرہ طے کیاگیاتھا. معروف دانشوراورتاریخ دان جناب پروفیسر(ر)آفتاب نے صدارت فرمائی،جناب میرافسرامان نےتلاوت قرآن مجیدکی،ڈاکٹرساجدخاکوانی نے مطالعہ حدیث نبویﷺ پیش کیااورجناب عبدالقیوم راؤنے گزشتہ نشست کی کاروائی پڑھ کرسنائی۔
صدرمجلس کی اجازت سے ڈاکٹرساجدخاکوانی کے مقالے سے مذاکرے کاآغازہوا. اس کے بعدجناب میرافسرامان،جناب ساجدحسین ملک،جناب سلطان محمودشاہین اورجناب اظہرالدین صدیقی نے اپنے اپنے تحریری موادپیش کیے. جبکہ محترمہ لبنی فروغ کی تحریرپڑھ کرسنائی گئی اورجناب ڈاکٹرحسن شاہدنے اپنی تحریرکوصوتیہ میں ارسال کیا تھا جوشرکاء محفل کی حسن سماعتوں کی نذرکی گئی. ان سب مصنفین نے اتحادامت کے حوالے سے اپنے خیالات کااظہارکرتے ہوئے کہاکہ اس وقت تک کی کامیابیوں کاحصول بھی اسی لیے ممکن ہواکہ کم ازکم عوام الناس کی سطح پرکل مسلمانان عالم یک رنگی کے حامل ہیں .اوربلاامتیازرنگ و نسل ومسلک کل امت ایران کے ساتھ شانہ بشانہ ہے اورکہیں کوئی مخالف آوازاٹھتی بھی ہے تواسے غداران ملت میں سے گرداناجاتاہے.
فاضل مقالہ نگاران نے مسلمان حکمرانوں سے بھی اسی قبیل کامطالبہ کیااورکہاکہ اب ڈوبنے والے دیوہیکل جہازکوانہیں خیرآبادکہ دیناچاہیے اورامت کی قیادت ہونے کاحق اداکرناچاہیے،اسی موضوع پرجناب کوکب اقبال نورانی ایڈوکیٹ،جناب محمد شاہددھریجہ,جناب شہزادعالم صدیقی اورجناب حبیبی نیازی نے بھی زبانی اظہارخیال فرمایااورمصنفین سے اتفاق کیا . وقفہ شاعری میں جناب میرافسرامان،جناب ساجد حسین ملک،جناب کوکب اقبال نورانی ایڈوکیٹ،جناب شیخ عبدالرازق عاقل ایڈوکیٹ،جناب سلطان محمودشاہین اور محمدشاہددھریجہ نے اپنااپناکلام نذرسامعین کیااوردادپائی. معمول کے سلسلے میں جناب شہزادعالم صدیقی نے مثنوی مولائے روم سے فارسی کلام کا حاصل مطالعہ شرکاء نشست کے ساتھ تازہ کیا۔
آخرمیں صدرمجلس جناب پروفیسرآفتاب حیات نے مقالات کی بے حدتعریف کی اورزبانی اظہارخیال کرنے والوں سے اتفاق کرتے ہوئے کہاکہ سلطنت ایران دراصل امت مسلمہ کاایک اہم ملک ہے؛ اورریاست اسرائیل اوراس کے سرپرست امریکہ نے ایران پرحملہ کرکے گویاپوری ملت اسلامیہ کوللکاراہے ؛اورفلسطینی توبے دست وپاونہتےتھے لیکن ایران نے جس ثابت قدمی کے ساتھ طاغوت کاآہنی مقابلہ کیاہے. اس سے انداہ ہوتاہے کہ اسلامی نشاة ثانیہ کی منزل قریب آن لگی ہے اوربہت جلداس کرہ ارض سے سیکولرازم کاظالمانہ اقتدارختم ہوگااورکل انسانیت خطبہ حجة الوداع کی ٹھنڈگی چھاؤں میں آسودہ راحت ہوگی. ان شااللہ تعالی
صدارتی خطاب کے آخرمیں انہوں نے ایسی پراثراورکامیاب تقاریب کے انعقادپرذمہ داران قلم کاروان کو مبارک بادبھی پیش کی _صدارتی کلمات کے بعدآج کی نشست اختتام پزیرہوگئی۔
تبصرہ لکھیے