اللہ کی شان دیکھیں !
جنگ امریکہ ، اسرائیل اور ایران میں ہوئی، پوری دنیا جیت کی مبارکباد پاکستان کو دے رہی ہے ۔ وہ ایران ، جس کی کوکھ سے کلبھوشن نکلا تھا ، جس نے بی ایل اے کی پرورش کی ، اس کی ملیشیاء پاکستان میں علماء کرام کے قتل میں ملوث رہی ۔ جس نے بھارتی پراکسی کا حصہ بن کر اپنی چاہبہار بندرگاہ ہندوستان کی جھولی میں ڈال دی ۔
آج اس کے پارلیمانی سپیکر ، وزیر خارجہ ، وزیر دفاع ، اقوام متحدہ کے مندوب سمیت دیگر سفارتی حکام اس جنگ میں پاکستان کا بیسیوں بار شکریہ ادا کر چکے ۔ ایرانی عوام پاکستان کے جھنڈے اٹھائے تشکر پاکستان کے نعرے لگا رہے ۔ ایرانی سڑکوں پر ریلیوں میں گاڑیوں پر پاکستان کا پرچم لہرا رہے ۔ ایسا کچھ تو کر دیا ہے پاکستان نے ، وزیر اعظم شہباز شریف نے، فیلڈ مارشل سید عاصم منیر نے، وزیر خارجہ اسحاق ڈار اور ان کی پوری ٹیم نے کہ آج پوری دنیا ،ایران کا لگایا ہوا نعرہ ” تشکر پاکستان ” لگا رہی ہے ۔
آپ کسی بھی وزارت خارجہ کا ٹویٹر ہینڈل نکال کر دیکھ لیں ۔ وہاں پر ایک ہی بات نظر آ رہی ہے ۔ ” پاکستان شکریہ ”
اللہ کا فضل ہے کہ گزشتہ مئی ہم نے معرکہ حق میں اپنے سے 10 گناہ بڑے دشمن کو شکست فاش دی ۔ اور اس سال 10 مئی سے ایک ماہ قبل ، دنیا کی سپر پاور امریکہ کی ایران کے ساتھ جنگ میں بطور ثالث نمایاں کردار ادا کر رہے ہیں . دنیا نے دیکھ لیا کہ مدرسہ کی چٹائی پر بیٹھ کر قرآن مجید کا حفظ کرنے والا ایک طالب علم ایک حافظ قرآن ، کس طرح اسلامی دنیا کی واحد ایٹمی طاقت ، اور طاقتور ترین فوج کا سپہ سالار بن گیا ۔ اور دنیائے لبرلازم کے نظریات کو خاک میں ملا کر رکھ دیا کہ ایک مدرسہ کا طالب علم پتھروں کے زمانے میں جیتا ہے وہ ترقی نہیں کر سکتا ۔
آج دنیا کے فیصلے ایک حافظ قرآن کر رہا ہے ۔ الحمدللہ ۔۔۔۔ ثمہ الحمدللہ ۔۔۔ جو لوگ ہمسایوں کے حکام کے حلیوں ، عبادات ، تقوے سے متاثر تھے آج دیکھ لیں وہ لوگ خوارج بن کر ہندوستان سمیت اسرائیل کی گود میں بیٹھے ہیں ۔
اللہ کریم پاکستانیوں اور مسلمانوں کو مزید عزتوں سے نوازے ۔ آمین ۔
الحمدللہ پاکستان ” حق اور سچ ” کی پہچان بن چکا ہے ۔
تبصرہ لکھیے