رسولؐ اللہ نے فرمایا۔
۱۔ پاکیزگی نصف ایمان ہے۔
۲۔الحمد اللہ ترازو کو بھردینا ہے۔
۳۔ سبحان اللہ اور الحمد ا للہ آسمانوں سے زمین تک کی وسعت کو بھر دیتا ہے۔
۴۔نماز نور ہے۔
۵۔صدقہ دلیل ہے۔
۶۔صبر روشنی ہے۔
۷۔ قرآن تمھارے حق میں یاتمھارے خلاف حجت ہے۔
۸۔ہر انسان دن کا آغاز کرتا ہے تو(کچھ اعمال کے عوض)اپنا سودا کرتاہے،پھر یا تو خود کو آزاد کرنے والا ہوتا ہے یا خود کو تباہ کرنے والا۔
مسلم۔حدیث:۴۳۵
میرے پیغمبر ؐکا فرمان ہمیشہ حکمت سے بھرا ہے
جس نے بھی ان پر عمل کیا وہ خوش نصیب ہے
صاف ستھرا لباس والا پاکیزہ کہلاتا ہے
اسی لیے کہا کہ صفائی نصف ایمان ہے
جس سے جتنا لو اتنے ہی واپس کرو
ترازو کو بھر دیناانصاف کا تقاضا ہے
سبحان اللہ الحمد اللہ،دو پیارے الفاظ
ادا کرے جو انسان اللہ تک پہنچتا ہے
نماز کو میرے رسولؐ نے آنکھ کا نور کہا
نماز مسلمان کو برائیوں سے روکتی ہے
صدقہ دلیل اس لیے، کہ اللہ کو پسند
صدقہ انسا ن کو،آفت سے بچاتاہے
روشنی سے انسان اندھیروں سے نکلے
اللہ صبر کرنے والوں کے ساتھ ہے
قرآن فرقان حق و باطل کو الگ کرے
تیرا عمل بتائے،قرآن تیرا حجت ہے
دن کا آغاز،مسلمان نیکی سے کرو گے
تیر اعمل تمھیں جوآزاد یا تباہ کرتا ہے
تبصرہ لکھیے