زندگی کے سفر میں بے شمار ایسے راستے ہیں جن کے اختیار کرنے سے زندگی آسان بنتی ہے۔یہ زندگی کا سنہرا اصول بھی ہے کہ انسان جس کام کو اختیار کرے اس پر اس قدر ثابت قدم رہے اور مستقل مزاجی کی روایت پر قاٸم رہے کہ وہ اس کی فطرت بن جاۓ۔
ہزاروں مثالیں موجود ہیں جن لوگوں نے مستقل مزاجی پر قاٸم رہتے ہوۓ زندگی کا سفر طے کیا وہی کامیاب ٹھہرے۔مستقل مزاجی تو ایک خوبصورت وصف اور خوبی ہے جس سے کامیابی کی راہیں ہموار ہوتی ہیں اور سماج میں انسان کو عزت اور احترام سے دیکھا جاتا ہے۔سوال پیدا ہوتا ہے کہ مستقل مزاجی کیا ہے؟ماہرین کے مطابق معمول کے مطابق امور کی انجام دہی اور کام سرانجام دینے کی خوبی مستقل مزاجی کہلاتی ہے۔معاشرت اورطرز زندگی میں بہار اور رونق پیدا ہوتی ہے۔انسان کی شخصیت عبقری رنگ نکھرتا ہے۔یہ بات تو روز روشن کی طرح عیاں ہے کہ والدین اور اساتذہ بچوں کے سامنے مثال ہوتے ہیں۔اس لیے ان کے لیے مستقل مزاجی ضروری ہے۔
ماہرین کے مطابق کسی شخصیت کی عظمت کا اندازہ اس کے کردار اور مستقل مزاجی کے وصف سے لگایا جاتا ہے۔اسلامی تاریخ کے مطالعہ سے واضح ہوتا ہے کہ آپؐ کی حیات طیبہ انسانیت کے لیے معیار اور اسوہ ہے۔اس پر عمل داری سے اطمینان اور سکون ملتا ہے۔کامیابی کی راہیں ہموار ہوتی ہیں۔سماجی زندگی کی رونقیں اور بہاریں اچھے اخلاق اور مستقل مزاجی سے ممکن ہیں۔اعتدال اور میانہ روی کے پیمانے تو ایسے ہیں جن سے طرز معاشرت میں رعناٸی پیدا ہوتی ہے۔ثابت قدمی کے خوبصورت وصف اور خوبی سے انسان کامیابی کی منزلیں طے کر پاتا ہے۔بہار زندگی میں جوبن حسن اخلاق اور مستقل مزاجی سے پیدا ہوتا ہے۔
جو لوگ مستقل مزاجی سے زندہ رہنا پسند کرتے ہیں کامیابی اور عزت ان کا مقدر بنتی ہے۔اسلامی تعلیمات کے آٸینہ میں استقامت ایسا درجہ ہے جس سے امور کی تکمیل اور نیکیوں کا حصول ہوتا ہے۔ایک قول قابل غور ہے”استقامت کی طاقت صرف اکابر ہی رکھتے ہیں کیونکہ استقامت یہ ہے کہ انسان اپنے معمولات اور رسم و رواج کو چھوڑ کر اپنے آپ کو اللہ کریم کے مطابق کرلے“
اسلامی تعلیمات کے مطالعہ سے یہ راز بھی کھلتا ہے کہ مستقل مزاجی ایسا وصف ہے جو انسان کو ناکامی کے خوف سے نکال کر کامیابی کی منزل تک پہنچاتا ہے۔جاٸزہ لیا جاۓ تو مستقل مزاجی کے فواٸد بھی بہت زیادہ ہیں۔عادات میں پختگی٬کام کرنے کی ترتیب اور بامقصد زندگی بسر کرنے کا فلسفہ بھی بنیادی اہمیت رکھتا ہے۔یہ راز تو ہر انسان کو سمجھنے کی ضرورت بھی ہے۔فکروشعور کی شمعیں علم و ادب کے دریچوں سے روشن ہوتی ہیں۔
تبصرہ لکھیے