سماج کی زندگی میں ادب وہ خوشبو ہے جو دلوں میں قربت پیدا کرتی اور ذہنوں کو جِلا بخشتی ہے. معاشروں کو تہذیب و شائستگی کا راستہ دکھاتی ہے۔ یہ بات تو روز روشن کی طرح عیاں ہے کہ جب کسی شہر، قصبے یا گاؤں میں ادب کے نام پر محفلیں، مشاعرے، ادبی کانفرنسیں اور علمی نشستیں سجتی ہیں تو درحقیقت وہاں علم، شعور اور محبت کے چراغ روشن ہوتے ہیں۔
ماہرین کے مطابق ایسے میدان صرف شاعری یا نثر سنانے کی جگہ نہیں ہوتے بلکہ یہ خیالات کے تبادلے، تہذیبی ورثے کے تحفظ اور مثبت سوچ کے فروغ کا ذریعہ بنتے ہیں۔زندگی کے رنگ و روپ میں ایک نکھار پیدا ہوتا ہے.یہ بات تو مسلمہ ہے کہ زندگی کے اصولوں میں منفرد کیفیت ادب سے پیدا ہوتی ہے. ادب کے نام پر سجنے والے میدان ہمیں یہ احساس دلاتے ہیں کہ قلم کی طاقت ہمیشہ نفرت کے اندھیروں پر غالب آ سکتی ہے۔ ایک شاعر کا شعر، ایک ادیب کا مضمون یا ایک مفکر کی گفتگو کئی دلوں میں امید کی شمع روشن کر دیتی ہے۔ یہی وہ محفلیں ہیں جہاں نوجوان نسل اپنے اسلاف کے علمی ورثے سے آشنا ہوتی ہے اور نئی راہوں کا تعین کرتی ہے۔زندگی کے گلشن میں بہاریں دستک دیتی ہیں.
بدقسمتی سے بعض اوقات ادبی سرگرمیوں کا مقصد صرف نمود و نمائش یا ذاتی تشہیر بن جاتا ہے، حالانکہ ادب کا اصل حسن اخلاص، علم اور انسان دوستی میں پوشیدہ ہے۔حقیقی ادبی میدان وہی ہیں جہاں اختلافِ رائے کو احترام سے سنا جائے، نئے لکھنے والوں کی حوصلہ افزائی کی جائے اور معاشرے کے مسائل پر سنجیدہ گفتگو ہو۔ ضرورت اس امر کی ہے کہ ہم اپنے تعلیمی اداروں، لائبریریوں اور ثقافتی مراکز میں ادبی سرگرمیوں کو فروغ دیں۔ مطالعے کی عادت کو عام کریں، کتاب دوستی کو فروغ دیں اور نوجوان قلم کاروں کو اظہار کے بہتر مواقع فراہم کریں۔ یہی اقدامات ایک باشعور، مہذب اور روشن معاشرے کی بنیاد بن سکتے ہیں۔ایسی محفلیں فائدہ مند بن پاتی ہیں جن میں ایک ہم آہنگی کا عنصر غالب رہے. ادب کے نام پر سجتے میدان دراصل علم، فکر اور محبت کے گلشن ہوتے ہیں۔ جہاں قلم کی عزت ہو، کتاب کی قدر ہو اور انسانیت کا احترام ہو، وہاں معاشرے ترقی کی راہ پر گامزن ہوتے ہیں۔
آئیے، ادب کے ان میدانوں کو ہمیشہ آباد رکھیں تاکہ آنے والی نسلیں شعور، تہذیب اور اخلاق کی روشنی سے فیض یاب ہوتی رہیں۔ایک اچھا قلم کار تو مجموعی سوچ کی بات کرتا ہے.سماج میں اتحاد اور اتفاق کے چراغ روشن کرتا اور انسانیت کی بھلائی اور فلاح کے لیئے آگے بڑھتا ہے.اس عہد میں ادبی محفلیں اور بزم آرائیاں نوجوان نسل کے لیئے ضرورت ہیں.
تبصرہ لکھیے