ڈاکٹرعافیہ صدیقی کی رہائی کیوں لٹک گئی - الیاس محمد حسین

ڈاکٹر عافیہ صدیقی کو امریکہ کی قید میں کئی گذرگئے لیکن ان کی رہائی کی کوئی صورت نظر نہیں آرہی کچھ عرصہ ڈاکٹر عافیہ صدیقی نے وزیر اعظم عمران خان کو خط لکھا تھا جس میں انہوں نے کہا تھا کہ قید سے باہر نکلنا چاہتی ہوں، قید کی سزا غیر قانونی ہے، مجھے اغوا کر کے امریکہ لایا گیا۔

یہ سنسنی خیز بھی انکشاف ہوا ہے کہ امریکی جیل میں قید پاکستانی ڈاکٹرعافیہ صدیقی پر جنسی اور جسمانی تشدد کی تصدیق ہوگئی ہے جب کہ انہیں ایسی دوائیں بھی دی جاتی ہیں جس سے وہ اکثر بے ہوش رہتی ہیں۔ امریکا میں تعینات پاکستانی قونصل جنرل عائشہ فاروقی نے قونصل جنرل نے ملاقات کے مندرجات کو خفیہ رپورٹ کی شکل دے کر حکام کے حوالے کردیا جس میں عافیہ صدیقی نے دوران حراست اپنے اوپر ہونے والے جنسی اور جسمانی تشدد کو بیان کیاگیا ہے۔رپورٹ میں پاکستانی اعلی سفارتی حکام کو سفارش کی گئی کہ ڈاکٹر عافیہ کی وطن واپسی کیلیے معاملے کو ہر حال میں اعلی سطح پر اٹھایا جائے تاکہ وہ اپنی بقیہ قید کی مدت پاکستان میں پوری کرسکیں جہاں کم از کم ان کی عزت تو محفوظ ہو جس پر کوئی ہاتھ نہ ڈال سکے جبکہ وہ اپنی والدہ و بچوں سے بھی ملاقات کرسکیں جن کی شکل دیکھے انہیں 9 سال ہوچکے ہیں۔

رپورٹ میں عافیہ صدیقی کی بدترین صورتحال کی عکاسی کی گئی ہے کہ انہیں اپنی عزت و ناموس بچانے کے لیے کتنے جتن کرنے پڑتے ہیں۔امریکی ریاست ہوسٹن میں تعینات پاکستانی قونصل جنرل عائشہ فاروقی نے کہا کہ ڈاکٹر عافیہ پر ہونے والے جسمانی و جنسی تشدد کی تحقیقات کے لئے امریکی محکمہ انصاف کو خط لکھا ہے ا کہ ان کی جان و عزت کا تحفظ یقینی بنانے کے لئے ان کی کوٹھری میں امریکی جیل کے مرد اہلکاروں کو داخلہ ممنوع قرار دیا جائے۔ ڈاکٹر عافیہ نے بتایا کہ جیل کے مرد اہلکار ان کے سامان پر پیشاب کردیتے ہیں۔پاکستانی خاتون سفارتکار نے عافیہ صدیقی کی حالت زار کا آنکھوں دیکھا حال بیان کرتے ہوئے کہا کہ وہ جیل میں ہر شخص اور چیز سے خوفزدہ اور ڈری سہمی رہتی ہیں۔

جیل عملہ ان کی پرائیوسی کی خلاف ورزی کرتا ہے، ان سے ان کی چیزیں چھین لیتا ہے، انہیں ہر وقت جسمانی و جنسی تشدد اور منظم آبروریزی کا خطرہ لاحق رہتا ہے۔ جبکہ ایک باعمل مسلمان خاتون کو ایسی جیل میں رکھنا ناقابل قبول ہے جہاں ہر وقت جنسی زیادتی کا خطرہ موجود ہو اور یہ سلسلہ اب بند ہوجانا چاہیے۔عائشہ فاروقی کے مطابق ملاقات کے دوران ڈاکٹر عافیہ صدیقی دو گھنٹوں تک بات چیت کرتی رہیں اور تمام سوالات کا جواب دیتی رہیں۔ ڈاکٹرعافیہ صدیقی نے اپنے وکلا پر عدم اعتماد کا اظہار بھی کیا ڈاکٹر عافیہ کو صرف وکیل ٹینا فوسٹر پر اعتماد ہے جو مسلمان ہیں اور ان سے مخلص بھی ہیں جنہوں نے ان کے بیٹے احمد کی افغانستان سے رہائی میں مدد کی تھی۔ عائشہ فاروقی کے مطابق ملاقات میں ڈاکٹر عافیہ صدیقی نے کہا کہ گفتگو ریکارڈ ہونے کی خوف کی وجہ سے وہ کراچی میں مقیم اپنی والدہ کے ساتھ فون پر بات نہیں کرتیں جیل حکام ان کو ڈراتے دھمکاتے ہیں اور ان کو جنسی اور جسمانی طور پر ہراساں کرنے کی دھمکیاں دیتے ہیں۔

گھر والوں کو ان کے فون ٹیپ کیے جاتے ہیں۔ جیل کے عملے نے کئی بار ان پر جنسی حملوں کی کوشش کی ہے اور ان کا اسکارف بھی نوچا گیا ہے، جبکہ ن کے سپروائڑر نے اپنے دو ساتھیوں کے ساتھ مل کر ان سے جنسی زیادتی کرنے کی کوشش کی۔ ڈاکٹر عافیہ نے بتایا کہ امریکا میں سابق پاکستانی سفیر حسین حقانی نے ان کی کوئی مدد نہیں کی اور نہ ہی ان کی رہائی میں کسی دلچسپی کا مظاہرہ کیا۔ بلکہ حسین حقانی اور اس کا معاون خصوصی 2010 میں حکومت پاکستان کی طرف سے ان کے مقدمے کے لیے مختص کی گئی 20 لاکھ ڈالر کی رقم بھی ہڑپ کرگئے۔ ڈاکٹر عافیہ نے کہا کہ انہوں نے 2011 میں اپنی سزا کے خلاف اپیل اس لیے نہیں کی کیونکہ انہیں جج سے انصاف کی کوئی امید نہیں تھی جب کہ اپنے وکلا کی نااہلی کی وجہ سے ان کا مقدمہ بھی امریکی سپریم کورٹ میں کہیں کھو چکا ہے، نیز ان کا مقدمہ بھی دھوکے کے سوا کچھ نہیں۔م

لاقت کے اختتامی لمحات میں ڈاکٹر عافیہ صدیقی نے اپنی والدہ کے لیے مختصر خط بھی تحریر کیا عافیہ صدیقی اکثر وزیراعظم عمران خان سے اپیل کرتی ہیں کہ وہ انپے وعدوںپر عمل کرتے ہوئے مجھے امریکہ کی غیرقانونی قید سے رہائی دلائیں کیونکہ عمران خان نے وزیر ِ اعظم بننے سے قبل بھی مجھے بہت سپورٹ کیا تھا عمران خان کو اپنے اردگرد موجود منافقین سے محتاط رہنا چاہیے ، امریکا میں میری سزا غیر قانونی ہے ان اقدامات کے پیش ِ نظرامیدکی جاسکتی ہے قو م کی بہادربیٹی عافیہ صدیقی بہت جلد اپنے ہم وطنوںکے درمیان ہوںگی اور ان کی رہائی کی کوششیںعمران خان گورنمنٹ کا ایک بڑا کارنامہ تصورکی جائے گا جس کی تعریف انپے پرائے سب کرنے پر مجبورہوجائیں گے۔ کروڑوںپاکستانی عمران خان کی طرف پر امید نظروں سے دیکھ رہے ہیں کہ وہ کب عافیہ صدیقی کی رہائی کیلئے سنجیدہ کوششوںکا آغاز کرتے ہیں۔

WP2Social Auto Publish Powered By : XYZScripts.com