(مدارس و اسکولز کے طلبہ کےلیے پاکستان کے موضوع پر ایک مکالمہ)
عثمان : میں محمد عثمان ہوں ۔ ( حاضرین کی جانب رخ کر کے )
ابوبکر : میرا نام محمد ابوبکر ہے ۔ ( حاضرین کی جانب رخ کر کے )
ہم آپ کے سامنے پاکستان کے موضوع پر ایک مکالمہ پیش کریں گے ۔ ( یہ جملہ دونوں مل کر کہیں گے ۔ )
عثمان : السلام علیکم
ابوبکر : و علیکم السلام
عثمان : کیا آپ حاضرین کو بتا سکتے ہیں کہ پاکستان کا خواب کس نے دیکھا تھا ؟
ابوبکر : پاکستان کا خواب علامہ محمد اقبال نے دیکھا تھا ۔
عثمان : پھر ٬ اس خواب کو عملی جامہ کس نے پہنایا ؟
ابوبکر : قائد اعظم محمد علی جناح نے ۔
عثمان : اچھا ۔ آپ ہمیں یہ بتائیں کہ ٬ پاکستان وجود تو 14 اگست 1947ء کو آیا ٬ لیکن پاکستان بنانے کا فیصلہ کب ہوا تھا ؟
ابوبکر : 23 مارچ 1940ء کو ایک قرار داد کے ذریعے پاکستان بنانے کا باقاعدہ فیصلہ ہوا ۔ اسے قرار دادِ پاکستان کہتے ہیں ۔
عثمان : پاکستان کا یہ نام کس نے تجویز کیا تھا ؟
ابوبکر : چودھری رحمت علی نے ۔
عثمان : پاکستان کا معنی کیا ہے ؟
ابوبکر : پاکستان کا معنی ” پاک سر زمین ” ہے اور پاکستان کا مطلب ہے : ” لا الہ الا اللہ ”
عثمان : بہت خوب ۔ اچھا ۔ ابوبکر ! ہمارے بڑوں نے اتنی قربانیاں دے کر پاکستان کیوں حاصل کیا تھا ؟
ابوبکر : انھوں نے یہ وطن اس لیے حاصل کیا تھا تا کہ ہم یہاں اسلام کے اصولوں کے مطابق زندگی بسر کر سکیں ۔
عثمان : ماشاء اللہ ۔ تو بطور ایک پاکستانی ہماری کیا ذمہ ذمہ داری بنتی ہے ؟
ابوبکر : ہماری ذمہ داری یہ ہے کہ ہم اپنے وطن سے محبت کریں ۔ دل و جان سے اس کی حفاظت کریں ۔ اس کی سلامتی اور ترقی کےلیے ہمیشہ کوشاں رہیں ۔
عثمان : جی ۔ بالکل ۔ آپ نے درست کہا ۔ ایک چھوٹا سا سوال ہے کہ پاکستان کا قومی نعرہ کیا ہے ؟
ابوبکر : پاکستان کا قومی نعرہ ہے : ” پاکستان ۔ ۔ ۔ زندہ باد ”
عثمان : زبردست ۔ چلیں ۔ ہم بھی اسے نعرے پر اپنے مکالمے کا اختتام کرتے ہیں ۔
ابوبکر : جی ۔ ضرور
عثمان : تو نعرے کا جواب دیں : پاکستاااااااااااان !!!
ابوبکر : زندہ باااااااااااااد !!!
تبصرہ لکھیے