بس کچھ ہی دن باقی ہیں - نیر تاباں

ایاما معدودات۔۔ بس کچھ ہی دن باقی ہیں۔ چاہ کر بھی ہر وقت تو عبادت کرنا ممکن نہیں۔ پھر گھر کے کاموں میں وقت ضائع ہوتا محسوس ہو تو دل کو کچھ ہوتا ہے۔ ایسے میں کاموں کی اچھی سی نیت کر کے اسے عبادت تو بنایا ہی جا سکتا ہے، اس کے ساتھ یہ بھی کیا جا سکتا ہے کہ صفائیوں اور کچن کے کاموں میں زبان اللہ کے ذکر سے تر رکھیں۔ اذکار کے لئے وضو کا ہونا بھی شرط نہیں اس لئے اور بھی آسانی ہے۔

حدیث کے مطابق یہ ذکر کرنے سے جنت میں کھجور کا درخت لگتا ہے۔ اس کا سب سے بڑھ کر لطف اسما حسین کی کتاب میں آیا جب وہ اپنے شہید شوہر کے لئے یہ ذکر کرتی ہیں اور کہتی ہیں کیسا خوبصورت نظارہ ہو گا جب جنت میں ہمارا گھر کھجور کے درختوں میں گھرا ہو گا اور عمرو کو پتہ چلے گا کہ یہ سارے درخت میں نے سُبْحَانَ اللهِ الْعَظِيمِ وَبِحَمْدِهِ پڑھ پڑھ کر اس کے لئے لگائے ہیں۔

حدیث کے مطابق صبح یہ ذکر کیا جائے تو دس غلام آزاد کرنے کا ثواب ہے، دس نیکیاں ملنے کا، دس گناہ جھڑنے کا، دس درجات بلند ہونے کا، اور شام تک شیطان سے حفاظت کا۔ اور اگر شام میں پڑھا جائے تو صبح تک محفوظ رہے گا۔

زبان پر ہلکا اور ميزان بھر دینے والا ذکر۔

صبح و شام تین بار پڑھنے والا روز قیامت خوش ہو گا۔

یہ تو ہر مسئلے کا حل ہے۔ استغفار کی بہت فضیلت ہے جو قرآن میں بھی کئی بار ذکر ہوئی۔ اللہ کی نعمتیں، برکتیں اور دو جہان کی فلاح کے لئے پڑھا جائے۔

الله سبحان و تعالى کے پسندیدہ ترین کلمات

جسے الله کافی ہو، اسے اور کیا چاہیے

اور ان دنوں کی خاص خاص دعا:
اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي

اللہ معاف کرنے والا ہے، معافی کو پسند کرتا ہے، اس لئے ہمیں معاف فرما دے۔
اور ہمارے لئے بھی آسان کر دے کہ ہم معاف کر پائیں؛ خود کو اور دوسروں کو بھی۔

اور ڈیزرٹ کے طور پر درود شریف تو اپنا جانا مانا ہے۔

تو کام کریں دنیا کے، ساتھ ساتھ نیکیوں کی ٹوکریاں بھرتے چلے جائیں۔