سوچنا اور لکھنا ایک تخلیقی صلاحیت ہے ۔یہ صلاحیت اللّٰہ تعالیٰ کی طرف سے انسان کو دی گئی ہے اور اشرف المخلوقات ہونے کی بہت بڑی دلیل ہے ۔ایک لکھاری اپنے خیالات کا اظہار صرف اور صرف اپنی تحریروں سے کر سکتا ہے اور خیالات کو وسیع کرنے کیلئے ایک لکھاری مختلف جامع اور واضح ذرائع سے مواد حاصل کرتا ہے ۔
میں ماریہ بتول بطور ایک نئی لکھاری قارئین کو ان تمام اہم ذرائع کے بارے میں بتا سکتی ہوں جن سے ایک بہترین تحریر کیلئے مواد حاصل کیا جاسکتا ہے ۔وہ تمام اہم اور عمومی ذرائع (معلومات) مندرجہ ذیل ہیں ۔
عمومی ذرائع اور معلومات اچھی تحریر کیلئے مواد:
اچھی کتابیں: تحقیقاتی کتب،نصابی کتب،سوانح عمری اور ادبیات وافسانے۔
نئے لکھاری کیلئے کتب خیالات کی وسعت کیلئے بہترین ذریعہ ہیں ۔اس سے زبان وبیان بہتر ہوگا ۔اسلوب و اظہارِ کا سلیقہ آئے گا ۔
اخبارات ورسائل: تازہ ترین خبریں ،کالم،اداریے اور تبصرے ۔نئے لکھاری یہاں سے تحریری اسلوب اور حالات حاضرہ پر گرفت حاصل کرسکتے ہیں ۔کالم اور اداریئے ایک نئے لکھاری کو سوچنے ،تجزیہ کرنے اور مؤقف قائم کرنے کی تربیت کرتے ہیں ۔
انٹرنیٹ: بلاگز ،تحقیقی ویب سائٹس ،آن لائن لائبریریاں جیسے Wikipedia, google scholar, JSTOR, Archive.org.
جبکہ اُردو مواد کیلئے اردو پوائنٹ ،دلیل،ریختہ اور ڈان۔ریختہ (rekhta.org)اردو شاعری ،افسانے اور کلاسیکی ادب کا خزانہ سمجھا جاتا ہے ۔
یوٹیوب اور پوڈ کاسٹ: انٹرویوز ،لیکچرز،ادبی گفتگو ۔اگر کوئی موضوع سن کر یا دیکھ کر بہتر سمجھ آتا ہے تو یہ بہترین ذریعہ ہے ۔تحقیق،ادب اور تخلیق سے متعلق ویڈیوز سن کر بصیرت حاصل کی جاسکتی ہے ۔
سوشل میڈیا پلیٹ فارمز: ٹوئٹر ،فیس بک گروپس،واٹس ایپ گروپس ،لنکڈن۔یہ تمام زرائع لکھاری برادری سے رابطے اور رجحانات کا اندازہ لگانے کیلئے مفید ہیں ۔
لائبریریاں: مقامی یا ڈیجیٹل ۔پرانے اخبارات ،تحقیقی مواد،اردو ادب کے نایاب نسخے ۔کامیاب لکھاریوں کے تجربات، مشاہدات اور حکمت عملیاں جانچنے کے لیے نئے لکھاری کو لایبریری ضرور جانا چاہیے ۔
مختصراً مندرجہ بالا تحریری (عمومی) ذرائع سے اندازہ ہوتا ہے کہ ہر نئے لکھاری کا اندازہ بیان ،دلچسپی،جزبات،احساسات ، اس کی سوچ کی وسعت اور پیمانہ اس کی تحریر میں موجود ہوتا ہے ۔مخصوص تحریر کو لکھنے کے لیے مثال کے طور پر افسانہ،کالم،شاعری،تحقیق اور بلاگ لکھاری مخصوص زرائع ہی ڈھونڈھتا ہے ۔
تبصرہ لکھیے