پیارے دوستو سہیلیو بچو آج ہم مینوپاز / سَنِ یاس کی کہانی سنتے ہیں۔
مینوپاز انگلش کا لفظ ہےاس میں جہاں مینو آئے گا اس کا مطلب ہے مینسز یا ماہواری اور پاز Pause کا مطلب ہے رک جانا ۔ یعنی مینسز کا ٹھہر جانا اس کا اردو میں ترجمہ سَنِ یاس کیا گیا ہے۔
سن یعنی سال یاس یعنی یاسیت ،ناامیدی یا اداسی۔ یعنی ناامیدی یا اداسی کے سال۔ کچھ حد تک یہ ترجمہ درست بھی ہے لیکن کچھ حدتک یہ ترجمہ درست نہیں بھی ہے۔ ان شاءاللہ العزیز جب ہم یہ آرٹیکل مکمل کر لیں گے تو سَنِ یاس کو سَنِ شاد میں بدل دیں گے ان شاءاللہ العزیز۔ لیں جی مینوپاز کی کہانی سنتے ہیں۔ یہ کہانی کسی ایک خاتون کی نہیں۔ ہر خاتون، ہر بچی، ہر لڑکی، ہر عورت، ہر ایک کی ہے۔ ہم میں سے ہر ایک XX کروموسوم کی۔
سوچیں جب ایک بچی پیدا ہوتی ہے تو نہ اس کو مینسز آتے ہیں نہ ہی اسے دودھ پیدا ہوتا ہے لیکن کبھی کبھار ایسا ہوتا ہے کہ ہاسپٹل سیٹنگ میں ہمارے پاس ایک یا دو دن کی نوزائیدہ بچی لائی جاتی ہے جسے مینسز آ رہے ہوتے ہیں یا چھاتی سے دودھ کے قطرے چھلک رہے ہوتے ہیں ۔بچی کے والدین بہت پریشان ہوتے ہیں کہ یہ کیا ہو گیا ۔یہ کچھ بھی ایبنارمل نہیں ۔ ہوتا یہ ہے کہ ماں کے ہارمون آنول نال کے ذریعہ بچی میں ٹرانسفر ہو جاتے ہیں جن کی وجہ سے بچی کو وڈرال بلیڈنگ withdrawl bleeding یا ملک لیٹ ڈاون milk letdown ہو جاتا ہے۔
یہ چند دن رہتا ہے پھر ٹھیک ہو جاتا ہے ۔ لیکن اس سے ہمیں یہ پتا چل جاتا ہے کہ بچی میں کارآمد Working نظام تولید اور دودھ پلانے کا نظام موجود ہے ۔ اچھا یہاں سے بچی کی زندگی آگے بڑھنا شروع ہوتی ہے۔ بچی بالکل لڑکوں ہی کی طرح کھیلتے کودتے پڑھتے لکھتے گیارہ بارہ سال کی عمر تک آن پہنچتی ہے۔ یہاں آ کے بچی میں کچھ تبدیلیاں رونما ہوتی ہیں۔کچھ مختلف محسوس ہونے لگتا ہے۔چھاتی بڑھنے لگتی ہے ۔ جسم کے زیریں حصوں پر بال ظاہر ہونے کرتے ہیں۔ پھر اسے سفید رنگ کا ڈسچارج شروع ہوتا ہے۔جس سے عموما بچیاں پریشان ہو جاتی ہیں۔
مائیں یہ مرحلہ جانتی سمجھتی بھی ہوں تب بھی بسا اوقات ڈاکٹر تک جانا پڑتا ہے ڈاکٹر تسلی دیتی ہے کہ سب ٹھیک ہے۔پھر کیا ہوتا ہے کہ بچی کو مینسز شروع ہوتے ہیں اس اسٹیج کو مینارکی MENARCHE کہا جاتا ہے۔ یعنی ماہواری کی ابتدا۔ ایک بات ذہن نشین کر لیجیے کہ آج کی کہانی میں جہاں بھی مین یا مینو ہو گا اس کا مطلب مینسز ہو گا ۔اور لفظ کے دوسرے حصہ کا مطلب تھوڑی بہت انگلش سمجھنے والے قارئین بھی بآسانی سمجھ سکتے ہیں کہ اس کا مطلب کیا ہو سکتا ہے۔
مینارکی کے فورا بعد کے چند مینسز اس طرح ہوں گے کہ اس دوران اس کا انڈہ/بیضہ نہیں بنے گا۔ مینسز علامت ہوتی ہے کہ خاتون میں ہر ماہ انڈہ بنتا ہے۔ اس انڈے سے حمل ٹھہرنے کے لیے رحم میں ایک بیڈ BED تیار ہوتا ہے۔ لیکن جب حمل نہیں ٹھہرتا تو مینسز کی صورت میں وہ بیڈ (رحم کی اندرونی جھلی ) باہر خارج کر دیا جاتا ہے ۔ اس طرح ہر ماہ نیا انڈہ اور نیا بیڈ تیار ہوا کرے گا اور حمل نہ ہونے کی صورت میں ہر ماہ کے اختتام پر یہ سب سامان مینسز کے ذریعے رحم سے خارج کر دیا جایا کرے گا ۔
لیکن جیسا کہ پہلے کہا گیا کہ شروع کے چند مہینے بچی کو انڈہ نہیں بنتا کیونکہ ابھی وہ نئی نئی اس دور میں داخل ہوئی ہے۔کبھی کبھار اس طرح بھی ہوتا ہے کہ بچیوں کو ایک آدھ دفعہ مینسز آنے کے بعد چھ سات ماہ کے لیے مینسز رک جاتے ہیں یہ بھی ایک نارمل بات ہے کیونکہ یہ بنا انڈے کے سائیکل ہیں یا ان کی صحت کے مسائل آئے یا نفسیاتی تبدیلی آئی تو چھ ساتھ کا وقفہ قدرت نے انہیں دے دیا ہے جس کے بعد ایک بار پھر سے وہ ریگولر ماہانہ نظام کا حصہ بن جاتی ہیں۔
اب جب لڑکی ریگولر فیز میں آتی ہے۔تو یہ دور اس کی زرخیزی کا دور ہے جسے فرٹائل پیریڈ FERTILE PERIOD کہا جاتا ہے. یعنی اب ہر ماہ اسے انڈہ بنا کرے گا اور ہر ماہ وہ انڈہ خارج ہو جایا کرے گا کیونکہ بچی کی تو ابھی شادی نہیں ہوئی ہوتی اس لیے وہ انڈہ ضائع ہو جائے گا۔ اس فیز میں مینسز رکنے کے چند ہی مطلب ہو سکتے ہیں کہ بچہ کو انفیکشن ہو گی یا خون کی شدید کمی ہو گی یا بچی کے ہارمون ڈسٹرب ہو گے۔ بچی کا وزن بہت زیادہ اور تیزی سے بڑھ گیا یا بہت کم ہو گیا۔یا زیادہ بڑی بیماری آ گئی جس کی وجہ سے جسم کا نظام اسٹریس میں آیا جس سے مینسز رک گئے۔لیکن عموما ایسا نہیں ہوتا ۔
اس کے بعد اس کی شادی ہوتی ہے اور ماشاءاللہ وہ پراپر فرٹیلیٹی فیز میں داخل ہوتی ہے۔ میاں بیوی ساتھ ہوتے ہیں۔ ہنی مون پیریڈ ہوتا ہے ۔ ریگولر سائیکل آتے آتے کبھی سائیکل رک جاتے ہیں۔ پریگنینسی ٹیسٹ کروایا جاتا ہے اور پریگنینسی کے پازیٹو آنے کے بعد 9 ماہ کے لیے مینسز رک جاتے ہیں۔ مینسز کا اس مقام پر رکنا سو فیصد نارمل ہے ۔ اس کی وجہ پریگنینسی ہارمون بیٹا ایچ سی جی BETA HCG کا بڑھنا ہے. یہ ہرگز کوئی بیماری نہیں ہے بلکہ زندگی کا ایک نہایت خوبصورت خوشگوار دور ہے۔اس میں نو مہینے نہ تو مینسز آنے ہیں نہ ناپاکی ہونی یےآپ اللہ کے قریب ہیں۔ اللہ کریم کی ایک صفت خالق میں مدد گار کے طور پر چنا گیا ہے اور آپ ایک نئی ننھی سی جان کو دنیا میں لانے کا وسیلہ بن رہی ہیں۔ تو مینسز کا یہ والا رکنا تو ایک نعمت ایک رحمت ہے۔
اچھا جی اب اس کے بعد آپ نے دو چار آٹھ دس جتنے بھی بچے جس کی خواہش ہے ۔اللہ اسے نوازے۔ سبھی کو اولاد کی نعمت نصیب ہو۔ پھر اس دور کے بعد زوجین خاندانی منصوبہ بندی کی طرف راغب ہوتے ہیں۔ خاتون پرہیز کرتی ہے ۔ دوا یا سہارا لیتی ہے یا مستقل نس بندی کرواتی ہیں۔یہ دور بچوں کو پالنے پوسنے، پڑھانے اور گھر بنانے کا دور ہے۔ وقت کا پہیہ چلتا رہتا ہے جب ہوش آتی ہے تو خاتون40، 45 کے اریب قریب پہنچ چکی ہے ۔
وقت کا پہیہ چلتا رہتا ہے جب ہوش آتی ہے تو آپ پہنچتی ہیں قریب 40 پینتالیس سال کی عمر میں۔یہاں آ کے زندگی میں بہت سی تبدیلیاں رونما ہو رہی ہوتی ہیں ۔آپ کے گھر میں جو بھی مسائل آنے تھے ، آچکے ہیں۔فزیکل مسائل بھی آگئے ۔فنانشل مسائل بھی آ چکے۔جھگڑے لڑائیاں بھی ہو گئیں۔ سسرال سے تعلقات اچھے برے ایڈجسٹ ہو گئے۔ شوہر سے تعلقات اچھے برے ایڈجسٹ ہو گئے۔ بچے اتنے بڑے ہو گئے کہ یونیورسٹی اور کالجز میں جانے لگے۔آپ کا گھونسلہ آہستہ آہستہ خالی ہونے لگتا ہے۔
آپ کے بچے آپ کے پرندے اڑ کے دوسرے شہروں، دوسرے ملکوں، دوسرے براعظموں میں جانے لگتے ہیں۔آپ اداس رہنے لگتی ہیں۔اسی دوران آپ کو جسمانی تبدیلیاں شروع ہوتی ہیں۔اب آپ کے پیریڈ دوبارہ سے تبدیل ہونے لگتے ہیں۔ یا ہلکے ہوں گے یا دیر سے آنے لگیں گے یعنی دو پیریڈز کا درمیانی وقفہ بڑھنے لگے گا ۔ایسا بھی ممکن ہے کہ کسی کیس میں ان کے پیریڈ تبدیل ہو کے جلدی اور /یا زیادہ ہیوی آنے لگیں۔ یہ سب کچھ آپ کے ہارمونل چینجز کی وجہ سے ہوتا ہے۔
جس طرح آپ بچی تھیں آپ کو کوئی پیریڈ نہیں آتے تھے پھر آپ کے ہارمونز چینج ہوئے۔آپ کے جسمانی خدوخال نئی صورت میں ڈھلے اور آپ کے پیریڈز شروع ہوئےاسی طرح اب آپ کے ہیریڈز رکنے کا وقت قریب آ رہا ہے یہاں پر آپ تبدیلیاں محسوس کریں گی موڈ سونگز MOOD SWINGS بھی آئیں گے۔عام طور پر اس دور ، جو مینسز شروع ہونے سے لے کر پیریڈز بند ہونے تک کا ٹائم ہوتا ہے اسے ہم پری مینوپاز PREMENUPAUSE کہتے ہیں۔ یہ تمام وقت زرخیزی کا دور ہوتا ہے یعنی فرٹائل پیریڈ۔
اس میں آپ بچہ پیدا کر سکتی ہیں۔ یہ تمام فرٹائل پیریڈ پری مینوپاز کہلاتا ہے۔ پری یعنی پہلے اور مینوپاز یعنی مینسز بند ہونے سے پہلے کا وقت ۔اس میں بھی دو اسکول آف تھاٹس ہیں۔ ایک اسکول یہ کہتا ہے کہ یہ مینسز بند ہونے سے ایک سو سال پہلے کا وقت ہےلیکن اب زیادہ بڑا اسکول آف تھاٹ یہ کہتا ہے کہ پورا فرٹائل پیریڈ ہی پری مینوپاز ہے۔ جب آپ نے پہلی علامت نوٹ کی کہ مجھے بہت زیادہ گرمی لگنے لگی یے۔مجھے رات کو بہت پسینے آتے ہیں۔ میری نیند اچاٹ ہو جاتی ہے۔میں بہت اداس رہنے لگ گئی ہوں یا میں بہت چڑچڑی ہو گئی ہوں میں پہلے تو اس طرح کی نہیں تھی۔مجھے اتنی لڑائیاں نہیں کرنا تھیں۔
میں اتنی چڑچڑی کیوں ہو گئی ہوں۔میرے تعلقات خراب کیوں ہو رہے ہیں یہ سب آپ کے موڈ سوئنگز آپ کے ہارمونز خصوصا ایسٹروجن کی کمی کی وجہ سے ہوتا ہے۔ ایسٹروجن وہ ہارمون ہے جو عورت کو عورت بناتا ہے ۔ اب ہوتا کچھ یوں ہے کہ ایسٹروجن کم ہونے لگتا ہے اور آپ کے مینسز بتدریج کم ہونے لگتے ہیں یہ دور پیری مینوپاز PERIMENUPAUSE کہلاتا ہے۔ پیری مینوپاز کے بعد ایک وقت آتا ہے جب آپ کا آخری مینسز اتا ہے اور اس کے بعد آپ کے میسز آنے بند ہو جاتے ہیں۔ جب آخری میسز کے بعد 12 ماہ کا عرصہ گزر جائے یعنی آخری مینسز ایک سال پہلے آئے تھے۔
جس کے بعد آپ کو مینسز نہیں آئے تو ہم اسے اسٹیبلشڈ مینوپاز Established MENUPAUSAL کہتے ہیں۔ آپ کو پیری مینو،پاز، آپ کے آخری مینسز سے قریب ایک دو سال پہلے شروع ہوتا ہے اور آخری مینسز کے 12 ماہ بعد تک جاری رہتا ہے جس کے بعد مینوپاز کا دور آ جاتا ہے ۔ اب اس دوران کیا کچھ وقوع پذیر ہوتا ہے اس پر بات کیے لیتے ہیں دوران بہت سی فزیکل چینجز (جسمانی تبدیلیوں) کے ساتھ ساتھ کچھ سائیکلوجیکل (نفسیاتی)چینجز آتی ہیں کچھ ہمارے اور معاشرے یا فیملی کےباہمی تعلقات میں تبدیلیاں آتی ہیں۔ کلینیکلی ہم جسمانی اور نفسیاتی تبدیلی پر بات کریں گے ۔
جسمانی تبدیلی میں سب سے پہلی چیز تو ماہواری کا رکنا ہے ۔اس میں کچھ یوں ہوتا ہے کہ جب مینسز کی ابتدا ہوئی تھی تب بھی انڈہ خارج نہیں ہو رہا تھا اس لیے تب بھی مینسز تھوڑے یا ہلکے آتے تھےاسی طرح مینسز رک رہے ہیں پھر سے انڈہ خارج ہونا بند ہو جائے گا اس لیے ماہواری آنے کا دورانیہ تھوڑا یا طویل ہونے لگے گا ۔کبھی کبھار مینسز بالکل صحیح آئیں گے لیکن کبھی ایسا بھی ہو گا کہ بالکل بس اسپاٹنگ ہی ہو گی اب اس میں ہوتا کیا ہے کہ ایسٹروجن کم ہے تو رحم کی اندرونی جھلی اینڈومیٹریم جسے ابتدا میں اندہ یا بچے کا بیڈ کہا گیا وہ کم گروتھ کرتا ہے اس کے نتیجے میں پتلی جھلی بنتی ہے جسے باہر خارج کرنے کے لیے مینسز بھی لائٹ ہی درکار ہوں گے ۔ بعض اوقات یہ جھلی اتنی پتلی بنتی ہے کہ مینسز نہیں ہوتے جب یہ وقفہ ایک سال پر محیط ہو جائے تو ہم کہتے ہیں کہ مینوپازل ٹرانزیشن مکمل ہو گئی ۔
اچھا یہاں یہ نکتہ اہم ہے ۔آپ میں سے جن خواتین کی عمر 20 سے کم ہے وہ اپنی ماوں کے لیے سوچیں اور جو خود اس دور سے گزر رہی ہیں وہ بھی خاص خیال رکھیں کہ مینسز بند ہونے کے 6 ماہ (چند ماہ) بعد اچانک سے خون جاری ہوتا ہے تو اسے اگنور نہ کیا جائے۔ بلکہ فوری طور پر ڈاکٹر سے رابطہ کیا جائے ڈاکٹر سے معائنہ کے ساتھ ساتھ ڈی این سی D&C یعنی رحم کی اندرونی صفائی کروانی ہے جس کے نتیجے میں رحم کے اندر سے نکلنے والے مواد کی بائیوپسی/سائیٹولوجی/خوردبینی معائنہ کروانا ہے۔تاکہ کسی بھی قسم کے خطرے سے فوری بچاو ممکن ہو سکے۔
مینسز رکنے کے 6 ماہ بعد آنے والی بلیڈنگ بعض اوقات اینڈومیٹریل کینسر ( رحم کی اندرونی جھلی کا کینسر) کا پیش خیمہ ثابت ہوتی ہے۔ اس سے بچنا اہم ہے فوری ایکشن لینا چاہیےتاکہ اس کینسر کا خدشہ ختم کیا جا سکے .
تبصرہ لکھیے