خود کار سیڑھیوں پر خوفناک حادثہ، کمزور دل والے ویڈیو نہ دیکھیں

شنگھائی : اسپتال کی خود کار سیڑھیاں چڑھتے ہوئے ایک ضعیف شخص گر پڑا اور کافی دیر تک ان سیڑھیوں (اسکیلٹر) پر بے بسی سے لڑھکتا رہا، عملے کی جانب سے نوٹس لینے پر اسے طبی امداد فراہم کی گئی۔تفصیلات کے مطابق مشرقی چین کے صوبہ شیڈونگ کے ایک نجی اسپتال میں ایک ضعیف العمر 70سالہ شخص اپنے علاج کے سلسلے میں آیا۔

ڈاکٹر سے مشورے کے بعد وہ بیسمنٹ سے گراؤنڈ فلور پر خود کار زینے (اسکیلٹر) کے ذریعے واپس جاہی رہا تھا کہ اچانک چکر آجانے سے گر پڑا اور نقاہت ہونے کے سبب خود کو سنبھال نہ پایا۔


اس دوران اس نے چار مرتبہ اٹھنے کی کوشش کی لیکن ہر بار وہ سر کے بل گرتا ہی رہا، سی سی ٹی وی فوٹیج میں دیکھا جاسکتا ہے کہ وہ شخص کس طرح سیڑھیوں پر قلابازیاں کھاتا رہا اور غائب ہوگیا۔اس موقع پر اسپتال کی ریڈیولاجی کے سربراہ نے وہاں سے گزرتے ہوئے یہ خوفناک منظر دیکھا تو فوری طور پر ایمرجنسی کا بٹن دبا دیا۔

اسپتال کے عملے نے 70سالہ شخص کو فوری طور پر ایمرجنسی وارڈ میں شفٹ کیا گیا، جہاں اسے طبی امداد فراہم کی گئی اور 20 منٹ بعد اسے گھر روانہ کردیا گیا۔