بدلیں…… مبشر علی زیدی

آنکھوں والو! آنکھیں بڑی نعمت ہیں۔

سال میں ایک بار نظر کی جانچ ضرور کروانی چاہئے۔

کل میرا سال پورا ہوا تو آئی اسپیشلسٹ کے پاس گیا۔

ڈاکٹر نے کمپیوٹر سے جُڑی مشین سے آنکھوں کا فوٹو کھینچا،

کچھ الٹے سیدھے حروف پڑھوائے۔

اس کے بعد پوچھا،

’’آنکھوں میں کوئی تکلیف تو نہیں؟‘‘

میں نے بتایا،

’’ہاں، آج کل حکومت کا ہر کام ٹھیک دکھائی دے رہا ہے۔‘‘

ڈاکٹر نے کاغذ پر قلم گھسیٹتے ہوئے کہا،

’’دو کام آپ کو کرنے ہیں۔

ایک تو فوری طور پر اپنا چشمہ بدلیں۔

دوسرا یہ کہ گھر کے ٹی وی پر نیوز چینل بدلیں۔‘‘