اسلام آباد ائیرپورٹ پر تشدد کا شکار خواتین کی بیرون ملک جانے کی کوشش ناکام

پشاور: اسلام آباد ایئرپورٹ پر تشدد کا شکار ہونے والی ماں اور بیٹی کو باچا خان ائیر پورٹ سے بیرون ملک جاتے ہوئے روک لیا گیا۔

ایکسپریس نیوز کے مطابق اسلام آباد ائیر پورٹ پر تشدد کا شکارہونے والی ماں اور بیٹی پشاور کے باچا خان ایئر پورٹ سے ناروے جا رہی تھیں کہ ایف آئی نے کارروائی کرتے ہوئے دونوں کو بیرون ملک جانے سے روک دیا اور دونوں کو طیارے سے آف لوڈ کردیا۔

دونوں خواتین کا تعلق نوشہرہ کے علاقہ صالح خانہ سے ہے جب کہ تشدد کے واقعے کے خلاف 2 مقدمے درج ہیں جس میں سے ایک امیگیریشن اہلکاروں کے خلاف جب کہ دوسرا مقدمہ ماں بیٹی کے خلاف ہے۔

واضح رہے کہ 2 روز قبل چیف جسٹس آف پاكستان جسٹس ثاقب نثار نے ایف آئی اے حكام كی طرف سے پاكستانی نژاد نارویجیئن خواتین پر اسلام آباد ایئر پورٹ پر تشدد كے واقعے كا ازخود نوٹس لیا تھا۔

Comments

FB Login Required

Protected by WP Anti Spam